Covid-19-statistieke: Rekordgetal nuwe gevalle

Altesame 88 738 mense is sedert die vorige verslag vir die virus getoets. (Argieffoto: Ronny Hartmann/AFP)

’n Rekordgetal van 24 270 nuwe Covid-19-gevalle is in Suid-Afrika bevestig.

Luidens die Nasionale Instituut vir Oordraagbare Siektes (Nios) se jongste verslag bring die nuwe gevalle die algehele getal laboratoriumbevestigde gevalle op 2 019 826 te staan.

Altesame 88 738 mense is sedert die vorige verslag vir die virus getoets.

Die positiwiteitskoers staan nou op 27,4% en daar is tans 184 564 aktiewe gevalle in die land.

Luidens Nios se statistieke is nog 303 Covid-19-verwante sterftes aangemeld. Dít bring die land se dodetal op 61 332 te staan. Altesame 1 773 930 mense het reeds van die virus herstel.

’n Toename van 627 hospitaalopnames is in die afgelope 24 uur aangeteken.

Die meeste nuwe Covid-19-gevalle is wéér in Gauteng (14 198) aangeteken, gevolg deur die Wes-Kaap (2 606) en Noordwes (1 687).

In KwaZulu-Natal is 1 676 nuwe gevalle aangeteken, gevolg deur 1 417 in Limpopo en 1 187 in Mpumalanga.

Die minste nuwe gevalle is in die Oos-Kaap (652), Vrystaat (555) en die Noord-Kaap (292) aangeteken.

Statistieke toon dat 129 359 inentings oor die afgelope 24 uur toegedien is. Meer as 3 miljoen mense is tot dusver in Suid-Afrika teen Covid-19 geïmmuniseer.

Só lyk die getalle per provinsie:

            Provinsie         Nuwe gevalle        Totale gevalle
 

Oos-Kaap

  652  208 262
 

Vrystaat

 

 555  115 771
 

Gauteng

 14 198  676 524
 

KwaZulu-Natal

 

 1 676  357 528
 

Limpopo

 

 1 417  78 881
 

Mpumalanga

 1 187  96 935
 

Noordwes

 

 1 687   98 809
 

Noord-Kaap

 

 292

59 618

 

 

Wes-Kaap

  2 606

327 498

 

 

 

Totaal

 

 

24 270

2,019,826

 

 

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
Regtigegtig

Ek vermoed al meer dat die hoe covid getalle verwant is aan die inenting, want hoekom word daar nou so baie mense siek. Van die bejaardes wat by my ma se ouetehuis die inenting gekry het is oorlede na hul covid gekry het, selfde storie by my skoonma se ouetehuis. Ons vriend se huiswerker is ook dood n dag na sy ingeent gekry het. So tragies dat iets waarop mense hul hoop sit vir gesondheid dan eindelik hul dood veroorsaak.

Kanjynoumeer

Hoeveel meer mense moet nog sterf voor n definitiewe besluit geneem gaan word oor Ivermektien?

Erik

Ek het self Covid gehad en is reeds ingeënt. Ek wonder soms, behalwe vir ‘n toestroming na hospitale, wat sal die gevolge wees van ‘n geen inperking nie? Miskien sal mense dan self meer verantwoordelik wees? Dalk sal meer mense dan die inenting wil kry? Ek wonder soms of die Covid golf nie maar oor ons almal moet kom spoel nie sodat dit verby kan kom en of elkeen nie maar na homself moet omsien in plaas van die regering of om dit van ander te verwag nie? Altwee kante toe sal die regering tog blameer word. Hierdie ding is… Lees meer »

Sê-mar-net

Dis net my gat se deksel dat die regering nog steeds soos ñ neet aan ñ wolkombers klou aan die inentings, wanneer dit DUIDELIK is vir die hele wêreld om te sien dat hulle faal in hul poging om hul teikens te bereik. Liewr aarde-hoeveel mense moet nog sterf? MAAK DIE VAKSINASIES BESKIKBAAR AAN DIE PRIVAAT SEKTOR! Hoe vinniger die mense geent word hoe vinniger kan die delta varaint gestuit word! Die pvt sektor gaan druk van die staat sektor afneem wat sodoende húlle werk kan voorsit met reisende klinieke. Dis tog nie so ñ moeilike sommetjie nie?!?!? Of dalk… Lees meer »

piet

Ek sien in Duitsland waar miljoene ingeent is en die nuwe gevalle tans baie min is, oorweeg hulle om mense wat reeds die inenting ontvang het na normaal te laat terugkeer. Geen inperkings of dra van maskers nie. Mense wat nie ingeent is nie gaan egter nie hierdie voorregte geniet nie. Ek dink dis ‘n goeie ding om die ingeente, gehoorsame en laer risiko groep te beloon vir hul samewerking.