Suid-Afrika het nou meer as 698 000 bevestigde Covid-19-gevalle met 1 770 nuwe gevalle wat aangemeld is.
Dr. Zweli Mkhize, minister van gesondheid, het Donderdagaand bevestig dat 698 184 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 18 309 nadat nog 158 sterftes aangemeld is: 22 in die Oos-Kaap, 19 in die Vrystaat, 38 in KwaZulu-Natal, 70 in Gauteng, vyf in Limpopo en vier in die Wes-Kaap.
“Van die 158 sterftes aangemeld, het agt in die afgelope 24 tot 48 uur plaasgevind: een in die Vrystaat, een in Gauteng, twee in Limpopo en vier in die Wes-Kaap.”
Tot dusver het 628 301 mense reeds van die virus herstel. Dit is ʼn herstelkoers van 90%.
Suid-Afrika het tot dusver 4 481 354 toetse vir Covid-19 gedoen, 22 609 sedert die vorige verslag.
Provinsiale statistieke:
Provinsie | Gevalle | Persentasie |
Oos-Kaap | 91 373 | 13,1% |
Vrystaat | 52 167 | 7,5% |
Gauteng | 224 158 | 32,1% |
KwaZulu-Natal | 120 859 | 17,3% |
Limpopo | 16 547 | 2,4% |
Mpumalanga | 28 466 | 4,1% |
Noordwes | 31 356 | 4,5% |
Noord-Kaap | 19 630 | 2,8% |
Wes-Kaap | 113 628 | 16,3% |
Totaal | 698 184 | 100% |
Sterftes en mense wat herstel het:
Provinsie | Sterftes | Herstel | Aktiewe gevalle |
Oos-Kaap | 3 397 | 86 927 | 1 049 |
Vrystaat | 1 270 | 36 303 | 14 594 |
Gauteng | 4 597 | 199 656 | 19 905 |
KwaZulu-Natal | 3 111 | 111 953 | 5 795 |
Limpopo | 435 | 15 514 | 598 |
Mpumalanga | 589 | 27 098 | 779 |
Noordwes | 393 | 28 589 | 2 374 |
Noord-Kaap | 237 | 16 583 | 2 810 |
Wes-Kaap | 4 280 | 105 678 | 3 670 |
Totaal | 18 309 | 628 301 | 51 574 |
ONTHOU: Uit 57 miljoen mense in Suid Afrika….. hierdie is nie ‘n pandemie nie.
Nou wat is dit dan?Dit gaan nie oor getalle nie.Dit gaan oor ‘n epidemie wat wêreld wyd verprei het en vir die eenvoudige rede dat geen voorkomings maatreels nog beskikbaar is nie.Solank geen entstof vir voorkoming beskikbaar is nie,bly dit ‘n pandemie.
Die ANC kon in 26 jaar hoogstens vals en met uiterste swak statestieke vorendag kom en skielik wil almal hierdie C-19 statestieke glo. Europa se C-19 skiet kwansuis die hoogte in want dit is winter maar snaaks genoeg hier waar dit somer is gebeur dieselfde, dit terwyl hospitale met sg. C-19 pasiënte leeg was. Vader Jakob slaap jy nog hoor hoe lui die kerk klok!