Suid-Afrika het nou reeds altesaam 30 011 Covid-19-verwante sterftes, het die minister van gesondheid, dr. Zweli Mkhize, Maandagaand bekend gemaak.
Dít nadat nog 434 sterftes bevestig is. Uit hierdie sterftes was 133 in die Oos-Kaap, twee in die Vrystaat, 36 in Gauteng, 71 in KwaZulu-Natal, sewe in Limpopo, 25 in Noordwes, drie in die Noord-Kaap en 157 in die Wes-Kaap.
Suid-Afrika se herstelkoers staan tans op 81,9% nadat 911 573 mense reeds van die virus herstel het. Tot dusver is 1 113 349 Covid-19-gevalle in Suid-Afrika bevestig.
Altesaam 12 601 gevalle is sedert die vorige verslag bevestig, ʼn positiwiteitskoers van 33,7% van diegene wat getoets word.
Meer as 6,7 miljoen toetse is reeds vir die virus gedoen, met 37 419 toetse wat sedert die vorige verslag gedoen is.
Suid-Afrika het tans 171 765 aktiewe gevalle van Covid-19.
- Die berig is gewysig sedert dit aanvanklik gepubliseer is. – RED