Die Nasionale Instituut vir Oordraagbare Siektes (Nios) sê nog 1 980 nuwe gevalle van die koronavirus is aangemeld, wat ’n positiwiteitskoers van 6,2% verteenwoordig.
Dié koers is hoër vergeleke met die vorige verslag (5,2%).
Nog 40 sterftes is intussen aangemeld, waarvan drie sterftes in die afgelope 24 tot 48 uur plaasgevind het. Die departement van gesondheid het gesê weens ’n voortgesette oudit kan daar ’n agterstand wees in die aantal sterftes wat aangemeld is.
Die land se sterftesyfer staan nou op 99 767, met minstens 3 698 803 mense in Suid-Afrika wat reeds Covid-19 opgedoen het.
Nog 46 Covid-19-pasiënte is in ’n hospitaal in Suid-Afrika opgeneem. Altesame 2 071 pasiënte word tans vir Covid-19 in hospitale behandel.
Die meeste nuwe gevalle is in Gauteng (39%) aangemeld, gevolg deur die Wes-Kaap (25%) en KwaZulu-Natal (16%).
Daar is tans 14 743 aktiewe gevalle van Covid-19 in Suid-Afrika en tot dusver het meer as 3,5 miljoen mense van die virus herstel.
Meer as 32,8 miljoen inentings is tot dusver gedoen.
Provinsie | Nuwe gevalle op 16 Maart 2022 | Totale gevalle tot en met 16 Maart 2022 |
Oos-Kaap | 82 | 344 340 |
Vrystaat | 73 | 201 766 |
Gauteng | 764 | 1 201 790 |
KwaZulu-Natal | 317 | 656 399 |
Limpopo | 38 | 155 400 |
Mpumalanga | 102 | 192 564 |
Noordwes | 82 | 192 229 |
Noord-Kaap | 29 | 108 685 |
Wes-Kaap | 493 | 645 630 |
Totaal | 1 980 | 3 698 803 |
Ek het by ‘n vorige artikel kommentaar gelewer oor die koste verbonde aan die PCR toetse. Dis blêddie duur.
Data is ook baie misleidend as die protokols nie weergegee word nie. Die positiwiteitskoers het met 1% toegeneem van gister na vandag. Maar hoeveel toetse is gedoen? Waar? Op wie? Deur wie? Hoe akkuraat is die toetse? Teen watter temperatuur?
Dan word daar heeltyd verslag gedoen op die hospitaalopnames. Maar hoeveel is ontslaan? Na hoeveel dae gemiddeld in die hospitaal? Privaat hospitale of staatshospitale?
Hoeveel is in hospitaal weens covid,en hoeveel met covid?
Selfs al aanvaar ons al 2000 is daar VIR covid, is dit maar so 3 per hospitaal. Ek sou dit nou nie ‘n nasionale ramp noem nie.
Dit moet dan seker die begin van die vooraf gewaarskude “5de golf” wees wat oor ons gaan spoel.
en daarna die neverending golwe wat gaan kom . hierdie virus is soos die see.
Wat my die heel bangste maak, is die astronomiese plastiekbesoedeling veroorsaak deur Covid-histerie.
Wanneer gaan dit einde kry
Wanneer ons ‘n einde daaraan maak, die papskeppers gaan niks daaraan doen nie.
Jy is reg. Ons gaan self n einde daaraan MOET maak. Daar is nie meer n ramp toestand nie. Lankal nie meer nie. Goeie gert julle. Alle sterftes is flippen covid. Natuurlike oorsake, selfdood, motor ongelukke selfs moord. Dis mags misbruik op sy ergste noem dit by die naam KOMMUNISME. Ek is nie bereid om verder n puppet te wees nie. My “string” het baie lankal terug gesnap