Covid-19-statistieke: Slegs 889 nuwe gevalle

Argieffoto (Foto: Jam Sta Rosa/AFP)

Die Nasionale Instituut vir Oordraagbare Siektes (Nios), het Sondagaand die jongste Covid-19-statistieke vir Suid-Afrika bekendgemaak.

Altesaam 889 nuwe gevalle is aangemeld wat ʼn positiwiteitskoers van 5,4% verteenwoordig. Dit bring die totale gevalle op 3 704 218 te staan.

Nog 2 sterftes is sedert die vorige verslag aangemeld, waarvan 2 sterftes die afgelope 24 – 48 uur aangemeld is. Dit bring die dodetal op 99 881 te staan. Volgens Nios is daar steeds ʼn agterstand wat die aanmelding van Covid-19-sterftes betref weens die voortgesette oudit deur die departement van gesondheid.

Minstens 23 585 561 toetse is reeds gedoen.

Die meeste van die nuwe gevalle wat sedert die vorige verslag aangemeld is, is van Gauteng (39%), gevolg deur die Wes-Kaap (28%). KwaZulu-Natal verteenwoordig 18%, Mpumalanga en Noordwes elk 4%, die Oos-Kaap en Vrystaat elk 2% en Limpopo en die Noord-Kaap elk 1%.

Sedert die vorige verslag was daar ʼn toename van 12 hospitaal-opnames. Daar is tans 2 028 Covid-19-pasiënte in 666 staat- en privaat hospitale.

Altesaam 3 589 451 persone (96,9%) het reeds herstel.

Altesaam 33 014 381 dosisse entstof is reeds toegedien.

Provinsiale statistiek:

Sterftes en persone wat herstel het: