(Foto: Jean-Christophe Verhaegen/AFP)
Suid-Afrika het nou meer as 1 509 000 bevestigde Covid-19-gevalle met 1 676 nuwe gevalle wat aangemeld is.
Dr. Zweli Mkhize, minister van gesondheid, het Donderdagaand bevestig dat 1 509 124 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 49 667 nadat nog 144 sterftes aangemeld is: sewe in die Oos-Kaap, 25 in die Vrystaat, 14 in Gauteng, 10 in KwaZulu-Natal, 22 in Limpopo, 10 in Mpumalanga, 41 in Noordwes, twee in die Noord-Kaap en 13 in die Wes-Kaap.
Tot dusver het 1 424 401 mense reeds van die virus herstel; dit is ’n herstelkoers van 94%.
Suid-Afrika het tot dusver 8 999 322 toetse vir Covid-19 gedoen, 31 862 sedert die vorige verslag.
Meer as 52 000 gesondheidsorgwerkers is reeds teen 18:00 Donderdag teen Covid-19 ingeënt.
Provinsiale statistieke:
| Provinsie | Gevalle | Persentasie |
| Oos-Kaap | 193 815 | 12,8% |
| Vrystaat | 79 787 | 5,3% |
| Gauteng | 403 528 | 26,7% |
| KwaZulu-Natal | 328 122 | 21,7% |
| Limpopo | 61 781 | 4,1% |
| Mpumalanga | 70 662 | 4,7% |
| Noordwes | 60 631 | 4% |
| Noord-Kaap | 33 792 | 2,2% |
| Wes-Kaap | 277 006 | 18,4% |
| Totaal | 1 509 124 | 100% |
Sterftes en persone wat herstel het:
| Provinsie | Sterftes | Herstel | Aktiewe gevalle |
| Oos-Kaap | 11 276 | 182 152 | 387 |
| Vrystaat | 3 220 | 69 949 | 6 618 |
| Gauteng | 9 561 | 389 755 | 4 212 |
| KwaZulu-Natal | 9 549 | 309 113 | 9 460 |
| Limpopo | 1 862 | 58 842 | 1 077 |
| Mpumalanga | 1 251 | 68 021 | 1 390 |
| Noordwes | 1 167 | 56 260 | 3 204 |
| Noord-Kaap | 666 | 30 793 | 2 333 |
| Wes-Kaap | 11 115 | 259 516 | 6 375 |
| Totaal | 49 667 | 1 424 401 | 35 056 |
Ok, so wanneer word lockdown nou finaal vaarwel geroep? Hoekom is ons nogsteeds op vlak 3? Dis n patetiese regering wat ons het, uiters pateties!!
Renata, lankal gelede is die reel gemaak dat inperkings wereldwyd sal geld tot en met daar wereldwyd geen nuwe gevalle binne ‘n twee weke tydperk is nie. Ons is nog baie ver van daar. Wees bly jy bly nie in Engeland nie. Hul nie noodsaaklike besighede gaan eers op 12 April mag oopmaak, en daar is nie eers ‘n ANC regering nie.
Daar is nie veel verskil tussen die vlak-3 wat ons nou het en toe ons onder vlak-1 was nie. Ek verwag dat die aandklokreel eersdaags opgehef gaan word. Daar sal ‘n mate van inperking wees totdat die pandemie heeltemal onder beheer is. Nog vir maande wees, dink ek. Regering is op die regte pad wat die virus aanbetref, doen wat nodig is.
Te danke aan die ander hulp middels… dankie Afriform