(Argieffoto: Unsplash)
Nog 21 606 mense in Suid-Afrika het positief getoets vir die koronavirus.
Altesaam 1 214 176 landsburgers het nou reeds Covid-19 opgedoen sedert die virus net meer as ’n jaar gelede in Suid-Afrika uitgebreek het.
Dr. Zweli Mkhize, minister van gesondheid, het Saterdagaand in sy gebruiklike verklaring gesê nog 399 pasiënte het intussen weens Covid-19 gesterf waarvan 106 sterftes in die Wes-Kaap aangemeld is.
Die res van die land se jongste sterftes is onderskeidelik in die Oos-Kaap (85), Vrystaat (11), Gauteng (69), KwaZulu-Natal (96), Limpopo (5), Mpumalanga (15) en die Noord-Kaap (12) aangemeld.
Dít bring die land se dodetal op 32 824 te staan.
Volgens Mkhize het 956 712 pasiënte in Suid-Afrika egter reeds van die koronavirus herstel, met ʼn herstelkoers van 78,9%.
Daar is tans 224 640 aktiewe gevalle van die virus in die land.
Nog 77 167 toetse is intussen uitgevoer. Die land het nou reeds 7 120 847 toetse sedert die uitbreek van die virus gedoen. Die meeste van die toetse is in die privaatsektor uitgevoer.
Sterftes en persone wat herstel het:
| Provinsie | Sterftes | Herstel | Aktiewe gevalle |
| Oos-Kaap | 8 662 | 163 062 | 7 989 |
| Vrystaat | 2 276 | 56 089 | 7 768 |
| Gauteng | 6 142 | 276 998 | 45 785 |
| KwaZulu-Natal | 5 170 | 153 274 | 89 203 |
| Limpopo | 663 | 26 447 | 8 703 |
| Mpumalanga | 697 | 36 431 | 7 690 |
| Noordwes | 703 | 35 640 | 9 536 |
| Noord-Kaap | 437 | 23 529 | 3 417 |
| Wes-Kaap | 8 074 | 185 242 | 44 549 |
| Totaal | 32 824 | 956 712 | 224 640 |
