Altesaam 765 409 mense in Suid-Afrika het nou reeds Covid-19 opgedoen nadat nog 2 646 pasiënte in die laaste siklus van 24 uur positief getoets het.
Dr. Zweli Mkhize, minister van gesondheid, het Saterdagaand in sy gebruiklike verklaring gesê nog 86 pasiënte het intussen weens Covid-19 gesterf. Die meerderheid van die sterftes is weer in die Oos-Kaap (58) aangemeld gevolg deur die Vrystaat (17), die Wes-Kaap (9) en twee in KwaZulu-Natal.
Dit bring die land se dodetal op 20 845 te staan.
Volgens Mkhize het 707 784 pasiënte in Suid-Afrika egter reeds van die koronavirus herstel, met ʼn herstelkoers van 92,5%.
Nog 26 007 toetse is intussen uitgevoer. Die land het nou reeds 5 269 062 toetse sedert die uitbreek van die virus gedoen. Die meeste van die toetse is in die private sektor uitgevoer.
Sterftes en persone wat herstel het:
Provinsie | Sterftes | Herstel |
Gauteng | 4 960 | 227 469 |
KwaZulu-Natal | 3 309 | 116 571 |
Wes-Kaap | 4 514 | 113 512 |
Oos-Kaap | 4 325 | 101 438 |
Vrystaat | 1 794 | 49 225 |
Noordwes | 541 | 32 861 |
Mpumalanga | 614 | 29 937 |
Limpopo | 487 | 17 496 |
Noord-Kaap | 301 | 19 275 |
Totaal | 20 845 | 707 784 |
Gaap
Soete rus dan…
COVID moet nou sy ry kry
Hy sal, sodra ons ALMAL by die regulasies bly. Ek sien nog baie mense sonder maskers en met geen sosiale afstand. Verlede week ‘n huiseienaars vergadering gehad, ek het maar by die deur omgedraai toe ek sien omtrent niemand dra maskers nie, en sit teenaan mekaar.
Francois wens daar was meer mense soos jy en minder wat sinelose aanhalings maak.
Net een vraag. Of ek het nie meer die vermoë om te lees nie of Gauteng teken nie meer sterftes aan nie en die infeksies vir die Provinsie bestaan ook nie.
Daar was in gister se artikel nog 2 wat gesterf het in Gauteng Johan. Jy het nog die vermoë moet nie stres nie
Gates het gepraat! Cyril manipuleer….
Cyril het by G20 gese:”All must get the vaccine”
Die aantal infeksies beteken nie veel nie. Die vraag is eerder: “Hoeveel van hierdie mense Is gehospitaliseer?” Die regering kan tog nie keer dat mense siek word nie, want hulle gee nie om nie. Indien wel, sou hulle sigarette verban het!