‘n Gesondheidsorgwerker word by die Chris Hani Baragwanath-hospitaal ingeënt. (Foto: Emmanuel Croset/AFP)
Suid-Afrika het nou meer as 1 699 800 bevestigde Covid-19-gevalle met 3 285 nuwe gevalle wat aangemeld is.
Dr. Zweli Mkhize, minister van gesondheid, het Maandagaand bevestig dat 1 699 849 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 57 063 nadat nog 89 sterftes aangemeld is: een in die Oos-Kaap, 23 in die Vrystaat, 25 in Gauteng, een in KwaZulu-Natal, 17 in Limpopo, vier in die Noord-Kaap en 18 in die Wes-Kaap.
Tot dusver het 1 581 540 mense reeds van die virus herstel; dit is ’n herstelkoers van 93%.
Suid-Afrika het tot dusver 11 899 793 toetse vir Covid-19 gedoen, 23 199 sedert die vorige verslag.
Altesaam 479 768 gesondheidsorgwerkers is tydens die eerste fase van die inentingsprogram ingeënt. Meer as 870 400 mense is reeds tydens die tweede fase ingeënt.
Provinsiale statistieke:
| Provinsie | Gevalle | Persentasie |
| Oos-Kaap | 198 739 | 11,7% |
| Vrystaat | 104 373 | 6,1% |
| Gauteng | 476 514 | 28% |
| KwaZulu-Natal | 341 175 | 20,1% |
| Limpopo | 66 330 | 3,9% |
| Mpumalanga | 84 073 | 4,9% |
| Noordwes | 79 011 | 4,6% |
| Noord-Kaap | 52 968 | 3,1% |
| Wes-Kaap | 296 666 | 17,5% |
| Totaal | 1 699 849 | 100% |
Sterftes en gevalle wat herstel het:
| Provinsie | Sterftes | Herstel | Aktiewe gevalle |
| Oos-Kaap | 11 673 | 185 995 | 1 071 |
| Vrystaat | 4 475 | 90 622 | 9 276 |
| Gauteng | 11 436 | 443 378 | 21 700 |
| KwaZulu-Natal | 10 535 | 325 296 | 5 344 |
| Limpopo | 2 489 | 62 749 | 1 092 |
| Mpumalanga | 1 459 | 80 809 | 1 805 |
| Noordwes | 1 949 | 70 077 | 6 985 |
| Noord-Kaap | 1 166 | 42 630 | 9 172 |
| Wes-Kaap | 11 881 | 279 984 | 4 801 |
| Totaal | 57 063 | 1 581 540 | 61 246 |
Die aannames verkeerd. Enige steekproef moet ge-ekstrapoleer word na die hele bevolking. So kom ons neem aan die hele bevolking is 60 miljoen. Die steekproef moet verteenwoordigend wees van 60mil.
Dan is die % bevestigde gevalle uit die bevolking 1 699 849. So die aansteek syfer is 1 699 849 /11 899 793= 0.1428 – Die probleem is net dat dit nie ‘n verteenwoordigende steekproef is nie, want net mense wat siek is of mense wat buite die grense gaan reis word getoets. Om ‘n verteenwoordigende steekproef te kry moet 5000 mense lukraak gekies word, en getoets word.
Gevolgtrekking – ons kan nie regtig bepaal uit die statistieke wat die aansteek koers is nie- daar is te veel mense wat nie simptome wys nie, en tog die virus het.
Omdat ons steekproef vir mense wat aangesteek is nie verteenwoordigend is nie, is die getal 1 581 540 ‘n herstel koers nie verteenwoordigend. Met ander woorde die 93% herstel koers is misleidend. Stats verkeerd
Asook die minimum mense gaan terug vir ‘n negatiewe toets, so hulle bly gelys as aktiewe gevalle, nie eens by ons beroepsgesondheid sentrum word jy ‘n tweede keer getoets nie, jy word net gevra hoelank was jy in isolasie asook of daar nog enige simptome oor is en daar gaan jy terug werk toe, so hoe hou hulle boek van wie herstel het ?