Suid-Afrika het nou meer as 1 246 000 bevestigde Covid-19-gevalle met 15 046 nuwe gevalle wat aangemeld is.
Dr. Zweli Mkhize, minister van gesondheid, het Maandagaand bevestig dat 1 246 643 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 33 579 nadat nog 416 sterftes aangemeld is: 163 in die Oos-Kaap, 30 in die Vrystaat, 38 in KwaZulu-Natal, vier in Mpumalanga, vier in Noordwes, een in die Noord-Kaap en 176 in die Wes-Kaap.
Tot dusver het 973 265 mense reeds van die virus herstel, dit is ’n herstelkoers van 78,1%.
Suid-Afrika het tot dusver 7 236 389 toetse vir Covid-19 gedoen, 52 496 sedert die vorige verslag.
Provinsiale statistieke:
Provinsie | Gevalle | Persentasie |
Oos-Kaap | 181 532 | 14,6% |
Vrystaat | 67 337 | 5,4% |
Gauteng | 338 071 | 27,1% |
KwaZulu-Natal | 255 819 | 20,5% |
Limpopo | 38 878 | 3,1% |
Mpumalanga | 46 830 | 3,8% |
Noordwes | 47 021 | 3,8% |
Noord-Kaap | 27 973 | 2,2% |
Wes-Kaap | 243 182 | 19,5% |
Totaal | 1 246 643 | 100% |
Sterftes en persone wat herstel het:
Provinsie | Sterftes | Herstel | Aktiewe gevalle |
Oos-Kaap | 8 902 | 166 092 | 6 538 |
Vrystaat | 2 325 | 56 232 | 8 780 |
Gauteng | 6 170 | 281 400 | 50 501 |
KwaZulu-Natal | 5 279 | 157 164 | 93 376 |
Limpopo | 677 | 28 237 | 9 964 |
Mpumalanga | 711 | 38 240 | 7 879 |
Noordwes | 707 | 35 741 | 10 573 |
Noord-Kaap | 445 | 23 756 | 3 772 |
Wes-Kaap | 8 363 | 186 403 | 48 416 |
Totaal | 33 579 | 973 265 | 239 799 |
Is dit korrek dat daar dus NUL sterftes in Gauteng was gedurende vorige dag? Sou dit ‘n rapporteringsfout wees of is dit ‘n faktor van goeie mediese sorg?
My opinie ook. Word lekker gekook.
Gauteng se sterftesyfer het van die begin af nie sin gemaak nie. Vergelyk dit met die Wes-Kaap siende dat die sosio-ekonomiese omstandighede en gehalte van mediese sorg redelik op dieselfde vlak is. Gauteng het amper dubbeld die Wes-Kaap se bevolking en ook omtrent dubbeld soveel Covid-gevalle maar hul sterftesyfer is laer. Daar is geen ander logiese afleiding om te maak as dat die data anders geinterpreteer en vasgevang word op die stelsel nie.
Wat so tragies is aan die hele storie is dat China , die hele China se syfer nou maar op 190800 besmettings staan volgens accuweather se covid tracker. Die enigste land waar geen covid aangemeld is nie is Noord Korea, Hulle syfers is akkuraat met dit wat vanoggend in SA aangekondig is.
Dalk moet ons daardie kort mannetjie van Noord Korea, as president hier by ons verkies
1 300 Mense sterf per dag in SA. Ja, miskien sterf gesonde mense skielik in ‘n ongeluk of misdaad, maar gesonde mense wat een oomblik gesond en fris is en die volgende oomblik nie meer daar is nie????? Eers wanneer jy sien hoe familie en vriende een na die ander begin sterf, sal mense seker begin gehoor gee aan die waarskuwings tov hierdie afgryslike virus.