Argieffoto (Foto: Unsplash)
Suid-Afrika het nou meer as 1 337 000 bevestigde Covid-19-gevalle met 12 267 nuwe gevalle wat aangemeld is.
Dr. Zweli Mkhize, minister van gesondheid, het Sondagaand bevestig dat 1 337 926 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 37 105 nadat nog 254 sterftes aangemeld is: 22 in die Oos-Kaap, 13 in die Vrystaat, 59 in Gauteng, 40 in KwaZulu-Natal, 16 in Mpumalanga, 26 in Noordwes, ses in die Noord-Kaap en 72 in die Wes-Kaap.
Tot dusver het 1 098 441 mense reeds van die virus herstel, dit is ’n herstelkoers van 82,1%.
Suid-Afrika het tot dusver 7 613 470 toetse vir Covid-19 gedoen, 54 696 sedert die vorige verslag.
Provinsiale statistieke:
| Provinsie | Gevalle | Persentasie |
| Oos-Kaap | 186 771 | 14% |
| Vrystaat | 70 511 | 5,3% |
| Gauteng | 361 881 | 27% |
| KwaZulu-Natal | 279 974 | 20,9% |
| Limpopo | 47 207 | 3,5% |
| Mpumalanga | 53 409 | 3,9% |
| Noordwes | 51 380 | 3,8% |
| Noord-Kaap | 29 558 | 2,2% |
| Wes-Kaap | 257 235 | 19,3% |
| Totaal | 1 337 926 | 100% |
Sterftes en persone wat herstel het:
| Provinsie | Sterftes | Herstel | Aktiewe gevalle |
| Oos-Kaap | 9 444 | 169 937 | 7 390 |
| Vrystaat | 2 462 | 57 985 | 10 064 |
| Gauteng | 6 946 | 309 572 | 45 363 |
| KwaZulu-Natal | 6 318 | 209 640 | 64 016 |
| Limpopo | 739 | 38 007 | 8 461 |
| Mpumalanga | 785 | 44 096 | 8 528 |
| Noordwes | 783 | 36 945 | 13 652 |
| Noord-Kaap | 496 | 24 593 | 4 469 |
| Wes-Kaap | 9 132 | 207 666 | 40 437 |
| Totaal | 37 105 | 1 098 441 | 202 380 |
Herstelkoers = hersteldes/(hersteldes+sterftes) = 96,7%.
Steeds word Pfizer-verwante sterftes en nagevolge verswyg deur media (ook ons “no fear no favor”-kanaal). In Noorwee het 23 tagtigjariges (13 in ouetehuis) gesterf kort na Pfizer- inenting. In Portugal het ‘n 41-jarige verpleegster gesterf twee dae na ‘n Pfizer-inenting.
Is daar wetenskaplike bewyse dat die mense AS GEVOLG VAN die inenting dood is? Dis waarskynlik mense wat reeds ernstige siektes onderlede gehad en dit bloot toevallig was dat hul gesterf het nadat hul ook ingeent is. Wat tagtigjariges betref, kan jy maar ook verwag dat hulle skielik kan sterf, gesond of siek, ingeent of nie ingeent. Intussen word miljoene mense elke dag ingeent met die Pfizer entstof. So terloops – enige entstof kan ‘n opmerkbare liggaamlike reaksie by sommige mense tot gevolg he kort na toediening. Dis normaal.
Piet… “waarskynlik mense wat reeds ernstige siektes onderlede gehad” as hulle sonder inenting gesterf het en positief was vir Covid, sou hulle ook toe van Covid gesterf het of agv die siektes onderlede?
Dit bly dus eintlik ‘n risiko om die entstof te neem want mense met geen mediese kennis weet nie watter bestandeel in daardie entstof is waarvoor hulle dalk ‘n allergiese reaksie kan toon.
Enige medikasie dra ‘n risiko, selfs Disprin, daarom bevat alle medikasie ‘n voubiljet met waarskuwings. Hierdie is vir die dokter bedoel, nie vir die pasient sonder mediese kennis. Dokters kry ook jaarliks die MIMMS boek, wat volle besonderhede van alle medikasies bevat. Die bejaardes wat dood is agv inenting, was almal in “frail care”. Hulle moes dit nie gekry het nie. Die dokters het gevouteer.
Francois, die verskil tussen gewone medikasie en ‘n entstof is die volgende: in die voubiljet wat saam met die medikasie is word die newe effekte aangetoon en jy weet dan jy moet versigtig wees om die medikasie te neem of dit dan eerder glad nie te neem indien jy ‘n onderliggende siekte onderlede het. Met ‘n entstof weet jy glad nie watter “goggas” in die entstof is nie.
Nes jy daar sê Piet. As jy oud is en/of ernstige onderliggende toestande het, is daar n goeie kans om te dooi. Dalk is daar covid sterftes wat ook toevallig is, omdat daai mense alreeds ernstige toestande gehad het.
Teen hierdie tyd is dit duidelik dat Covid ‘n negatiewe uitwerking (dikwels ernstig wat tot vroeere dood kan lei) het op mense wat reeds onderliggende siektes het. Hoekom sou jy die addisionele risiko wil loop om Covid op te doen as die entstof jou risiko verlaag?
Ek sien jy begin nou sin praat.
Ek wag maar tot J&B weer beskikbaar word.