Suid-Afrika het nou meer as 1 613 000 bevestigde Covid-19-gevalle met 2 585 nuwe gevalle wat aangemeld is.
Dr. Zweli Mkhize, minister van gesondheid, het Sondagaand bevestig dat 1 613 728 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 55 210 nadat nog 27 sterftes aangemeld is: twee in die Vrystaat, tien in Gauteng, vyf in KwaZulu-Natal, ses in Mpumalanga, een in die Noord-Kaap en drie in die Wes-Kaap.
Tot dusver het 1 524 352 mense reeds van die virus herstel; dit is ’n herstelkoers van 94,4%.
Suid-Afrika het tot dusver 11 115 048 toetse vir Covid-19 gedoen, 27 543 sedert die vorige verslag.
Meer as 478 000 gesondheidsorgwerkers is reeds teen Covid-19 ingeënt.
Provinsiale statistieke:
Provinsie | Gevalle | Persentasie |
Oos-Kaap | 196 592 | 12,2% |
Vrystaat | 94 621 | 5,9% |
Gauteng | 434 597 | 26,9% |
KwaZulu-Natal | 338 029 | 20,9% |
Limpopo | 64 449 | 4% |
Mpumalanga | 79 950 | 5% |
Noordwes | 71 053 | 4,4% |
Noord-Kaap | 44 651 | 2,8% |
Wes-Kaap | 289 786 | 18% |
Totaal | 1 613 728 | 100% |
Sterftes en mense wat herstel het:
Provinsie | Sterftes | Herstel | Aktiewe gevalle |
Oos-Kaap | 11 615 | 184 612 | 365 |
Vrystaat | 4 018 | 84 976 | 5 627 |
Gauteng | 10 875 | 416 051 | 7 671 |
KwaZulu-Natal | 10 459 | 321 777 | 5 793 |
Limpopo | 2 336 | 61 718 | 395 |
Mpumalanga | 1 421 | 77 429 | 1 100 |
Noordwes | 1 798 | 64 489 | 4 766 |
Noord-Kaap | 979 | 37 700 | 5 972 |
Wes-Kaap | 11 709 | 275 600 | 2 477 |
Totaal | 55 210 | 1 524 352 | 34 166 |
Zweli boer weer op die tv. Dit hou niks goeds in nie. Ons wag nog net op moeder-julle-sal-luister. Dit klink na ‘n droewige winter wat voorlè ok met Eskom wat steeds die liggie-in-ons-lewe wil wees. Ace gaan sekerlik die koue verder aanblaas en liewe oompie Zuma wil nog ‘n sliepslapbandboekie op die hofrakke plaas. Kan ons nie eerder soos beertjies maak en hiberneer tot volgende lente nie?
Wonder hoeveel van hulle het reeds die entstof gevat?
Ons hoor daar is ‘n styging…toegegee.
Kyk ons egter na die aktiewe gevalle:
Lyk dit tog bitter skeef in vergelyking met Limpopo en OosKaap se syfers. Dit lyk my verder: óf iemand kan nie somme maak nie, óf daai twee provinsies is vd buitewêreld afgesny.
Verder wil ek my verstout om te beweer dat lg. provinsies “fantastiese” medici en hospitale het! (Maar ons ingeligtes weet wat die toestant daar is).
Hou dus liefs hierdie propaganda uit die nuus. Dis baie skeef en onwaar.
Net my beskeie mening.