Suid-Afrika het nou meer as 646 000 bevestigde Covid-19-gevalle met 1 960 nuwe gevalle wat aangemeld is.
Dr. Zweli Mkhize, minister van gesondheid, het Vrydagaand bevestig dat 646 398 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 15 378 nadat nog 113 sterftes aangemeld is: 19 in KwaZulu-Natal, 19 in Gauteng, 16 in die Oos-Kaap, twee in die Vrystaat, 18 in die Wes-Kaap, 24 in Mpumalanga en 15 in die Noord-Kaap.
Tot dusver het 574 587 mense reeds van die virus herstel. Dit is ʼn herstelkoers van 88,9%.
Suid-Afrika het tot dusver 3 884 166 toetse vir Covid-19 gedoen, 20 713 sedert die vorige verslag.
Provinsiale statistiek:
Provinsie | Gevalle | Persentasie |
Oos-Kaap | 87 222 | 13,5% |
Vrystaat | 41 250 | 6,4% |
Gauteng | 214 486 | 33,2% |
KwaZulu-Natal | 115 939 | 17,9% |
Limpopo | 14 059 | 2,2% |
Mpumalanga | 25 540 | 4% |
Noordwes | 26 935 | 4,2% |
Noord-Kaap | 12 919 | 2% |
Wes-Kaap | 108 048 | 16,7% |
Totaal | 646 398 | 100% |
Sterftes en persone wat herstel het:
Provinsie | Sterftes | Herstel | Aktiewe gevalle |
Oos-Kaap | 3 035 | 82 842 | 1 345 |
Vrystaat | 812 | 27 516 | 12 922 |
Gauteng | 3 900 | 189 825 | 20 761 |
KwaZulu-Natal | 2 392 | 105 530 | 8 017 |
Limpopo | 258 | 13 141 | 660 |
Mpumalanga | 466 | 24 167 | 907 |
Noordwes | 310 | 21 673 | 4 952 |
Noord-Kaap | 165 | 9 447 | 3 307 |
Wes-Kaap | 4 040 | 100 446 | 3 562 |
Totaal | 15 378 | 574 587 | 56 433 |
Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.
Ek wonder net oor hierdie “suksesverhaal” Ons mediese sorg is onder verdenking maar ons presteer as 3e wêreld land beter as enige ander land? Is dit die Kubane word wondere verrig ,is dit werlkike syfers of is dit net die ANC wat hulle swak hantering van die inperking wil wys dat hulle eintlik lewensredders is? Ek dink hulle bedrieg ons.
Die syfers is werklik skerp aan die afneem. Privaatinstansies sien dit ook. Dit is nie Kubaanse dokters of inperkings of goeie gedrag nie, maar die virus self, omdat dit gepiek het soos verwag, omdat daar nie meer vatbare mense is om aan te steek nie. Dit het ook in ander lande gebeur wat proporsioneel baie gevalle gehad het, insluitende nie-1ste wêreld lande soos Pakistan, Chile, Peru en ‘n rits ander.
Dit sal net ‘n suksesverhaal wees as ons die ekonomie kan red.
Herstelkoers van 88,9% maar ons bly langer in lockdown. Mmmmmm kook die boeke julle kry mos geld vir elke nuwe Covid geval al is nie Covid nie.
Regering wil die koffers nog leër maak genade
Kom ek verduidelik vir jou,Persheks.Ek sê geensins dat die syfers korrek is nie.Die herstelkoers het niks te make dat die inperking verleng is nie.Ons sit hier met ‘n pandemie(epidemie wêreldwyd)Die verlenging is langer sodat die epidemie meer tyd het om uit te speel,maw dat die infeksie kan verlaag tot vlakke waar die kanse skraal is om weer op te vlam.Dit is belangrik om die verskil tussen ‘n endemie,epidemie en pandemie te verstaan.’n Endemie is beperk tot sekere dele in ‘n land, wêreld deel.Daar is reeds entstowwe beskikbaar.’n Pandemie(epidemie)is verspreid oor die wêreld en geen entstowwe is nog beskikbaar nie.Daarom kan TB,Griep,masels ens nie met Covid 19 vergelyk word nie.Eersgenoemdes is endemies en Covid 19 is epidemies.Pandemies wêreldwyd.
Gogga maak vir baba bang. Toe griepsterftes in 2018 byna 37 000 bereik het was daar geen sprake van ‘n pandemie nie. Die hoogs-aansteeklike TB veroorsaak 60 000 sterftes per jaar. Maar 16 000 of dalk 18 000 covid sterftes is skielik ‘n pandemie en nasionale ramp. Hoofsaaklik deur propaganda, aangeblaas deur die media, opgediep.
Griep en TB het al dekades gelede hulle epidemiese status verloor.Daar is entstowwe beskikbaar vir die beheer daarvan.Die wat nie van die voorkoming gebruik wil maak nie,moet maar die gevolge dra.Die genoemde voorkoming is verkrygbaar by enige kliniek.Die SARS CoV 2 virus wat Covid 19 veroorsaak bly ‘n epidemie solank daar geen voorkoming beskikbaar is nie.TB bly ‘n sosio ekonomiese siekte,waar swak behuising en swak voeding ‘n groot rol speel in die verpreiding daarvan.Het daar al ‘n TB uitbraak in Sandton plaasgevind?
@OW, stem volkome saam met jou, maar Jan verkies sy consiracy theory, sy TB en griep sterftes syfers styg met elke berig, sonder om sy “bron” aan te haal. Ek is Bly dat die getalle afneem in SA en glo die relatiewe gemiddelde ouderdom wat laag is, het baie daarmee te doen. Die getalle, in baie lande in die buiteland neem egter weer baie toe, en as SA dink dit is die einde van die virus, maak hulle n groot fout. Dit gaan nog lank met ons weet en ongelukkig nog baie sterftes meebring.
Iets maak nie sin nie. Gauteng se sterftesyfer vergelyk met die van die oos-Kaap terwyl ons infeksiekoers amper drie keer so hoog is. Internasionaal is die herstelkoers ongeveer 55%, maar in Suid Afrika is dit 88%. Kan hierdie syfers vertrou word?