(Argieffoto: Unsplash)
Nog 7 209 nuwe gevalle van Covid-19 is landwyd bevestig.
Die Nasionale Instituut vir Oordraagbare Siektes (Nios) sê die algehele getal nuwe gevalle (7 209) is laer as ʼn dag tevore (11 215) én laer as die gemiddelde getal nuwe gevalle oor die voorafgaande sewe dae (13 646).
Daar is in hierdie stadium 166 139 aktiewe gevalle, terwyl totale gevalle op 2 302 304 staan. Altesame 2 069 085 mense het tot dusver van die koronavirus herstel.
Die positiwiteitskoers is in hierdie stadium 27,3%.
Nog 221 nuwe Covid-19-verwante sterftes is bevestig, wat die algehele sterftesyfer op 67 080 te staan bring.
Altesame 26 407 toetse is die afgelope 24 uur gedoen.
Toetse gedoen:
- Private sektor: 12 360
- Staatsektor: 14 047
- Totaal: 26 407
Die meeste gevalle is steeds in Gauteng (36%), gevolg deur die Wes-Kaap (17%), Mpumalanga (10%), KwaZulu-Natal (9%), die Oos-Kaap, Limpopo en Noordwes (7% elk), die Vrystaat (4%) en die Noord-Kaap (2%).
Nog 533 mense is in die voorafgaande 24 uur in hospitale vir Covid-19-behandeling opgeneem. Hiervan word 9 429 in private hospitale behandel en 7 313 in staatshospitale.
Altesame 223 969 inentings teen Covid-19 is Maandag gedoen en meer as 5,3 miljoen mense is reeds teen die virus ingeënt.
En op watter stadium gaan ons hoor van die sogenaamde Kuddie Immuniteit of is dit ook maar net ‘n mooi woord wat in werklikheid nie bestaan nie?
Meer as 70% van bevolking immuun ons is nog ver daarvan
Meer as 70% ingeent is, en geen nuwe geval(le) binne 14 dae. Dit beteken so oor 5 jaar.
die kudde imuniteit wat ek vermoed jy van praat word blykbaar bereik met sowat 60% van bevolking ingeent. hulle het oorsprongklik gepraat ven 42 miljoen hie by ons. teen huidige tempo sal dit nog ongeveer 39 maande duur so dus teen November 2025. Hoop dit antwoord jou vraag. Vermoed Wes Kaap sal heelwat vroeer wees as hulle net gelos word om aan te gaan op hulle eie
Die Covid sterfte syfer bly maar laag, nog nie eendag geglo die syfers is korrek nie.
Daar is op sterfte sertifikate “Natuurlike oorsaak/oorsake” aangebring. Met my eie oog gesien.
Dus kan hul syfers in geen omstandighede korrek wees nie.
Doodsertifikate sê net natuurlik of onnatuurlik
Swerwer, niks is wat jy dink dit is, totdat jy die regte feite het.
Algehele sterftes 67 000. Bevolking 58 500 000. Dus EEN uit elke 100 000 mense oor die afgelope
16 maande.
Gebasseer hierop, regverdig inperkings die ineenstorting van ons Ekonomie?