(Grafika: pixabay)
Die bevestigde getal Covid-19-gevalle in Suid-Afrika het teen Sondagaand op 97 302 gestaan nadat 4 621 nuwe gevalle van die virussiekte bevestig is.
Dr. Zweli Mkhize, minister van gesondheid, het gesê nog 53 Covid-19-verwante sterftes is bevestig. In Gauteng is agt nuwe sterftes aangemeld, in KwaZulu-Natal een, in die Oos-Kaap is 17 nuwe sterftes bevestig en in die Wes-Kaap is nog 27 sterftes aangemeld.
Dit bring die getal sterftes op 1 930 te staan.
Mkhize het gesê die sterftekoers is in dié stadium 1,98% en tot dusver het 51 608 (53%) van diegene wat die virus opgedoen het, reeds daarvan herstel.
Meer as 34 000 nuwe toetse is die afgelope 24 uur gedoen.
| Provinsie | Sterftes | Pasiënte wat reeds herstel |
| Oos-Kaap | 285 | 7 738 |
| Vrystaat | 9 | 264 |
| Gauteng | 122 | 4 673 |
| KwaZulu-Natal | 84 | 2 594 |
| Limpopo | 4 | 246 |
| Mpumalanga | 1 | 176 |
| Noordwes | 5 | 248 |
| Noord-Kaap | 1 | 110 |
| Wes-Kaap | 1 419 | 35 559 |
| Totaal | 1 930 | 51 608 |
| Ouderdom | Sterftes | Persentasie |
| 0-9 | 3 | 0.2 |
| 10-15 | 5 | 0,3 |
| 20-29 | 26 | 1,3 |
| 30-39 | 116 | 6,1 |
| 40-49 | 244 | 12,6 |
| 50-59 | 471 | 24,4 |
| 60-69 | 506 | 26,2 |
| 70-79 | 342 | 17,7 |
| 80-89 | 161 | 8,3 |
| 90-99 | 45 | 2,3 |
| Onbekend | 11 | 0,6 |
| Totaal | 1 831 | 100 |
Die berekening van die sterfte koers op die totale aangemelde virus gevalle, word verkeerd gedoen.
Die % sterfte koers moet slegs bereken word op die totale gevalle, wat of herstel, of wat gesterf het. Nuwe gevalle moet nog of herstel, of sterf, en kan mos dus nie in berekening gebring word nie.
Tot dusver is daar 51608 mense wat herstel het, en 1930 sterftes. ‘n Totaal van 53538. Dus is die sterfte koers 3.6%, en nie 1.9% nie.