Covid-19-statistieke: Toename in alle provinsies

Daar was reeds ‘n 17%-styging in hospitaal-opnames. (Argieffoto: Twitter)

Nog 3 084 nuwe gevalle – ʼn styging van 0,19% – van Covid-19 is in Suid-Afrika bevestig wat die algehele syfer van geïnfekteerdes op 1 640 932 te staan bring.

Sterftes

Dr. Zweli Mkhize, minister van gesondheid, sê in sy daaglikse bywerking van syfers die nasionale sterfgevalkoers het teen Dinsdag op 3,4% gestaan. Nog 102 sterftes is bevestig wat die totaal op 55 976 te staan bring. Altesame 72 hiervan is Dinsdag aangemeld, terwyl 25,5% (26 sterftes) in die vorige 48 uur plaasgevind. Van die nuwe sterftes was drie in die Oos-Kaap, 32 in die Vrystaat, 36 in Gauteng, 11 in KwaZulu-Natal, en een in die Wes-Kaap. Geen sterftes is in Limpopo, Mpumalanga of Noordwes aangemeld nie.

Van die drie sterftes in die Oos-Kaap was twee vandeesmaand – een in die afgelope 48 uur – en nog een in Januarie. Die provinsie gaan intussen voort met sy Covid-sterfte-oudit.

In die Vrystaat, waar 32 sterftes aangemeld is, was 29 oor die afgelope maand (vyf daarvan in die voorafgaande 48 uur), een in Februarie en een in Januarie. Die provinsie is ook besig met sy Covid-sterfte-oudit.

Van die 36 sterftes in Gauteng was 17 in die afgelope 48 uur; KwaZulu-Natal het 11 sterftes in Mei aangemeld, met twee in die afgelope 48 uur. In die Noord-Kaap is 19 sterftes aangemeld. Dit sluit in altesame 15 vir Mei en vier gevalle in April. Die provinsie se sterfte-oudit duur voort. Een sterfte in die Wes-Kaap het in die afgelope 48 uur plaasgevind.

Mkhize sê daar was landwyd ʼn 17%-styging in nuwe gevalle in vergelyking met die vorige sewe dae. Alle provinsies wys steeds toenames in nuwe gevalle in vergelyking met die vorige sewe dae.

Aktiewe gevalle

Teen Woensdag was die hoogste voorkoms, per 100 000 lede van die bevolking, in die Noord-Kaap (226,9), gevolg deur die Vrystaat (101,2), Gauteng (58,4), Noordwes (52,7), Mpumalanga (24,4) en die Wes-Kaap (22,8).

Tot dusver is meer as 11,4 miljoen toetse vir Covid-19 in Suid-Afrika gedoen en net meer as 28 000 daarvan was in die vorige 24 uur. Sowat 52% van toetse word in die openbare sektor gedoen.

Mkhize sê die nuwe toetspositiwiteitskoers het ʼn positiewe persentasiestyging gehad in vergelyking met die vorige sewe dae en al nege provinsies het toenames in dié koers ondervind.

Algehele positiwiteit vir die nuwe toetse wat gedoen word, is nou 11%.

Teen Dinsdag was daar landwyd ʼn styging van 17% in hospitaal-opnames in vergelyking met die vorige week.

Die herstelkoers staan tans op 94,1% nadat 1 543 951 mense reeds van die virus herstel het. Die 41 005 aktiewe gevalle in die land weerspieël ʼn styging van 0,69% sedert die vorige 24 uur.

Inentings

Teen middernag op 24 Mei het altesame 2 838 526 mense vir die regering se massa-inentingsprogram geregistreer. Hiervan was net meer as 188 000 mense ouer as 60.

Altesame 479 768 mense het reeds die entstof ingevolge die regering se Sisonke-program ontvang, terwyl 221 136 die eerste dosis van die Pfizer-entstof ontvang het.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Madeleine

Waaroor die vrees en inentings??

Stefaan

Natuurlik sal dit verhoog. Daar moes mos al ‘n derde vlaag hier gewees het.

annie

… sterftes in die Oos-Kaap… Zweli is so besig om makeup aan te plak vir sy duur shows dat sy syfers lipstick begin opdoen.

Misky

Ek het nou paar keer die deel gelees van sterftes (gedink ek lees verkeerd) en moet toegee dat ek nie elke dag al die statistieke kyk en lees nie. Hulle praat van die sterfte gevalle van die begin van die jaar tot nou…… sommige maande net een per provinsie. Waaroor dan so op hol gaan en dis eintlik min. Meer mense sterf daagliks in motorongelukke indien hierdie covid syfers betroubaar is. Klomp snert en meeste van SA klaar gebreinspoel en glo alles wat hulle sê

Dirk Mostert

‘n Styging in PCR-toets gevalle. Die PCR-toets, wat lewende en dooie coronavirusse (waaronder verkoue en griep) optel na talle konsentrasie-siklusse, is deur die WGO aanvaar sonder enige portuurbeoordeling. Dit word wyd gekritiseer deur wetenskaplikes.