Die Nasionale Instituut vir Oordraagbare Siektes (Nios) sê 1 497 nuwe gevalle van die koronavirus is aangemeld, wat ’n positiwiteitskoers van 5,7% verteenwoordig.
Dié koers is laer vergeleke met die vorige verslag (6,2%) én die verslag voor dit (6,6%).
Nog 26 sterftes is intussen aangemeld, waarvan twee in die afgelope 24 tot 48 uur plaasgevind het. Die departement van gesondheid het gesê weens ʼn voortgesette oudit kan daar ʼn agterstand wees in die aantal sterftes wat aangemeld is.
Die land se dodetal staan nou op 99 965, met minstens 3 712 263 bevestigde gevalle van Covid-19 in Suid-Afrika.
Nog 15 koronaviruspasiënte is sedert Nios se vorige verslag in ’n hospitaal opgeneem. Altesame 1 965 pasiënte word tans vir Covid-19 in die hospitaal behandel.
Die meeste nuwe gevalle is in Gauteng (39%) en die Wes-Kaap (27%) aangemeld, gevolg deur KwaZulu-Natal (20%).
Daar is tans 14 573 aktiewe gevalle van Covid-19 in Suid-Afrika en tot dusver het meer as 3,5 miljoen mense van die virus herstel.
Meer as 33,4 miljoen inentings is in dié stadium reeds gedoen.
Provinsie | Nuwe gevalle op 26 Maart 2022 | Totale gevalle tot en met 26 Maart 2022 |
Oos-Kaap | 49 | 344 845 |
Vrystaat | 42 | 202 183 |
Gauteng | 590 | 1 206 594 |
KwaZulu-Natal | 294 | 659 029 |
Limpopo | 22 | 155 689 |
Mpumalanga | 28 | 193 024 |
Noordwes | 43 | 192 803 |
Noord-Kaap | 19 | 108 837 |
Wes-Kaap | 410 | 649 259 |
Totaal | 1 497 | 3 712 263 |
Ek wonder net.. Moet mens hande klap of jammer voel vir die patetiese regering se hantering van die pandemie…. Ek neig na jammerte vir hul onbevoegdheid.