Covid-19-statistieke: Wéér bitter min ingeënt

Gesondheidswerkers by die Life Fourways-hospitaal in Gauteng maak gereed om ‘n vrou vir Covid-19 te toets. (Argieffoto: Emmanuel Croset/AFP)

Suid-Afrika het Saterdag net 16 005 mense teen Covid-19 ingeënt. Dit is amper 10% van die getal wat Vrydag ingeënt is (175 740). Die regering is uit verskeie oorde gekap oor die stadige koers waarteen Suid-Afrikaners ingeënt word en die minister van gesondheid het Vrydag aangekondig dat meer geld nou beskikbaar gestel is om meer mense, veral oor naweke, in te ent.

Nog 21 610 nuwe Covid-19-gevalle is Saterdag in Suid-Afrika aangeteken. Dit beteken 28% van Suid-Afrikaners wat getoets is, het positief getoets. Dit is effens minder as Vrydag se 29,5%.

In Gauteng het 10 770 mense positief getoets vir Covid-19 en die Wes-Kaap het 2 477 nuwe gevalle aangeteken. Albei provinsies het ʼn afname in gevalle getoon in vergelyking met Vrydag se statistieke. Limpopo se syfers het redelik skerp toegeneem van 1 651 Vrydag tot 2 187 Saterdag.

Altesaam 265 nuwe sterftes is ook aangeteken, wat die algehele getal sterftes op 64 138 te staan bring. Daar is ook 580 mense in hospitale opgeneem, van wie die meeste (403) in staatshospitale.

Só lyk die syfers per provinsie:

ProvinsieNuwe gevalle
Oos-Kaap719
Vrystaat583
Gauteng10 770
KwaZulu-Natal1 841
Limpopo2 187
Mpumalanga1 285
Noordwes1 451
Noord-Kaap297
Wes-Kaap2 477

 

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Corne123

Skrap als en gaan terug na normale lewe. Dit tog duidelik hulle het geen iedee wat hulle doen nie so kan mense se lewens weer terug kon na hopenlik normaal en weer probeer sorg vir mens se gesin want so kan dit nie aangaan nie

Stephan

Die feit dat SA so stadig vorder met inentings, is dalk ‘n “blessing in disguise”.
Om mense in te ent met eksperimentele entstof is m.i. krimineel. Gebruik dit eerder as “die laaste uitweg” – daar IS ander medikasie beskikbaar wat tans (volgens wet (!)) “verbied/ontmoedig” word.
Dink die besluitnemers ons is oningelig?

Samuel

Ek kan nie anders as om te wonder oor die veiligheid en effektiwiteit van die inentings nie. Mens mag mos vrae vra?

Hendrik

Watter gemors. Aan die een kan word almal aangemoedig om ingeent te word en aan die anderkant kan die staat nie byhou nie. Wat dink julle moet ons doen?