Die getal Covid-19-gevalle in Suid-Afrika staan nou op 1 552 416 nadat 453 nuwe gevalle van die virus bevestig is.
Dr. Zweli Mkhize, minister van gesondheid, sê in sy daaglikse bywerking van die Covid-19-syfers altesame 1 478 088 mense het reeds van die virus herstel. Die herstelkoers staan steeds op 95%.
Agt bykomende sterftes is bevestig. Hiervan was vier in die Vrystaat en vier in Gauteng. Dit bring die algehele sterftesyfer op 52 995 te staan.
Net meer as 11 000 toetse, 72% daarvan in die private sektor, is sedert die vorige dag se bywerking gedoen.
Aktiewe gevalle:
KwaZulu-Natal: 5 746
Wes-Kaap: 5 119
Noord-Kaap: 2 806
Gauteng: 2 280
Noordwes: 2 202
Vrystaat: 1 720
Mpumalanga: 958
Limpopo: 283
Oos-Kaap: 219
Totaal: 21 333
Vanoggend in ons hoofstraat gesien hoe die “people” sonder maskers of met maskers vir nekdoeke buite besighede saamdrom. Die noodtoestand kan netsowel afgeskaf word. Maar CR kry seker nie toestemming uit Davos nie.
Watter “noodtoestand” het ooit bestaan is die vraag…maskers kelp inelkgeval net mooi niks.