Covid-19-syfers daal steeds  

ʼn Werker staan langs beddens wat gereedgemaak word om ʼn stadion in ʼn Covid-19-sentrum te omskep (Foto: Tauseef Mustafa/AFP)

Suid-Afrika het Sondag 5 931 nuwe Covid-19 gevalle aangeteken, wat beduidend minder is as die sewe dag gemiddeld van 7 860 nuwe gevalle en veel laer as Saterdag se 8411 nuwe gevalle. Dit volgens die jongste syfers wat die departement van gesondheid uitgereik het.

Minder toetse (41 027) is egter Sondag gedoen, in vergelyking met vroeër die week. Dit verteenwoordig wel steeds ʼn positiwiteitskoers van 14,5%, wat effens laer is as die koers wat Vrydag en Saterdag aangeteken is.

Soveel as 141 669 mense in Suid-Afrika het tans Covid-19 onder lede. Hiervan is net sowat 11 757 mense tans in die hospitaal opgeneem, wat beteken dat slegs sowat 8% van dié met Covid-19 in die hospitaal behandel word.

Altesaam 76 nuwe Covid-19-verwante sterftes is ook Saterdag aangeteken.

KwaZulu Natal het steeds die meeste nuwe gevalle (1 710) aangeteken, gevolg deur die Wes-Kaap (1 349) en die Oos-Kaap (871). Dié getalle is, soos verwag kan word, heelwat laer as Saterdag se uitslae.

ProvinsieNuwe gevalle
Oos-Kaap871
Vrystaat541
Gauteng525
KwaZulu-Natal1 710
Limpopo87
Mpumalanga208
Noordwes255
Noord-Kaap385
Wes-Kaap1 349

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Mallie

Volgens my berekeninge is die Kaap die meeste met 2605 mense.

Frank John

Ek dink die getalle word gemanipileer.

goodCOP

Kan mens regtig enige iets glo wat die regering uiter

Esme

Ek dink ons word steeds om die bos gelei. Hoevel Covid 19 gevalle agv die vaksien? Ek het die vraag al herhaaldelik gevra, maar die antwoorde ontwyk my. Ek weet wat in Israel gebeur – dit kry ek betroubaar op hulle kommunikasie stelsels, maar ek is steeds ‘clueless’ oor wat in ons land gebeur.

Cerci

141 669 uit ‘n populasie van 60.14 miljoen. Daar is meer mense wat gedurende die Covid lockdown sonder inkomste gelaat is. Meer mense wat nie weet wat hulle gaan doen om vanaand vir hulle gesin kos te gee, huur te betaal en om aan die basiese behoeftes te voorsien nie.