Covid trek Steve Hofmeyr ook plat

Steve Hofmeyr. (Foto: Joanne Olivier Photography)

Duisende mense het die gewilde Afrikaanse sanger Steve Hofmeyr beterskap toegewens nadat Covid-19 hom ook platgetrek het.

“Jammer, almal. Ek wou toets en toets tot dit negatief was, maar ek is positief,” het Hofmeyr Vrydag op Facebook geskryf.

“Ek voel goed. Afgesien van ʼn nare bors het ek geen simptome nie. Dankie vir soveel raad en goeie ondersteuning. Dis die gebede wat ek aanvoel, want daar is engele om ons.”

Hofmeyr het ʼn dag tevore geskryf hy maak sy inskrywing uit die bed, neem medikasie en isoleer asof hy reeds die virus opgedoen het.

“Vanoggend voel ek fantasties, maar ek vertrou die vrede nog glad nie. My vorige toetse het ja en nee gesê toe ek dit nié gehad het nie. Sal nou weer toets. Ek dink ek is meer jammer as jy vir die uitgestelde konserte!” het Hofmeyr gesê voor hy later wel positief vir Covid-19 getoets het.

Hy het vroeër vandeesmaand geskryf dat hy “ná maande lange werkloosheid” weer op ʼn verhoog kan stap en ʼn “liedjie kan waag”.

“Dít is die langste wat ek nog nié gesing het nie. Ek’s skoon skrikkerig.”

Die kunstebedryf was een van dié sektore wat weens die inperkingsregulasies, veral die verbod op byeenkomste, lamgelê is.

Talle van Hofmeyr se ondersteuners het in kommentaar op die gewilde sanger en aktivis se inskrywing hul eie ervarings met Covid-19 gedeel en Hofmeyr raad gegee oor hoe om dit te hanteer.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Trotse Boervrou

Sterkte Steve. Mag jy baie spoedig op die been wees!

Chris dupreez

Ja so kry die chinese virus ons almal beet

JM

Covid-19 ontsien niemand nie. Wens vir Steve volkome herstel toe.

JM

Annie, ek dink jou kommentaar is AFSKUWELIK!!

Strandloper

Ok….jy trek nie veel aandag nie..