‘Curro-skool bewys van nog politieke boewery’

Panyaza Lesufi (middel). Foto: Twitter

Panyaza Lesufi (middel). Foto: Twitter

Panyaza Lesufi, Gautengse LUR vir onderwys, se minagting van die Grondwet en sy boelie-agtige intimidasie van Afrikaanse skole kan nie langer geduld word nie, het die Vryheidsfront Plus gesê.

“Dit het tyd geraak dat hy uit sy pos verwyder word,” het adv. Anton Alberts, die VF Plus se parlementêre woordvoerder oor basiese onderwys, gesê. “Net soos die ANC-regering die land se Grondwet minag, so steur Lesufi, hom ook nie aan die Grondwet, amptelike prosedures of administratiewe geregtigheid nie en is hy besig om Afrikaanse skole in die provinsie op ʼn onwettige en onaanvaarbare wyse te intimideer.”

Volgens adv. Alberts is dit skreiend dat Lesufi die Curro Roodeplaat Privaatskool nou dreig met ʼn ‘laaste kans’ voor sluiting oor ʼn voorval wat volgens swart ouers self niks met rassisme te make gehad het nie.

“Lesufi behoort te weet dat hy self ook onderhewig is aan die reg en prosedures en dat hy die skool ʼn geleentheid moes gee om sy saak te stel voordat hy ʼn besluit kon neem. Dit is eerder Lesufi self wat moet besef dat sy kanse min raak. Dié intimidasie en boelie-taktiek is tekenend van die ANC, wat net lippediens aan die Grondwet bewys, maar hulself nie daaraan gebonde ag nie.”

Alberts het gesê Lesufi se “gewaande ontevredenheid” omdat die skool net wit onderwysers het, is ook misplaas. “Daar is baie skole wat net swart onderwysers het, terwyl daar in baie gevalle jong wit onderwysers is wat nie werk kry nie en bereid sal wees om in swart skole te werk. Curro se provinsiale hoof en die Roodeplaat-skoolhoof gaan nou vervang word. Hul loopbane gaan ingrypend geraak word sonder enige werklike rede.”

Alberts het gesê dit is optrede soos hierdie wat doelbewus en onnodiglik rassewrywing skep waar dit nie bestaan nie. “Suid-Afrika het genoeg probleme soos dit is. Daar is nie nog plek vir politieke boewery nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
David ras

Dit is hoog tyd dat die term rassisme in die hof beslis word. Wat is Rassisme en wat is nie?
Daag Lesufi voor die hof met ‘n eis om skadevergoeding vir laster omdat dit nou voorkom of elke jan-rap-en -sy -maat se definisie as korrek beskou word.
As die hof teen Lesufi sou beslis, kan mens dan ook die koerante wat per voorblad so weggehol het met die nuus ook dwing om verskoning te vra.
Die etiket vab RASSISME word net gans te maklik uit ANC geledere geskree.

Lee

Die probleem met hom is dat hy als wat goed werk wil verander in ‘n totale gemors! Plaas hy sy aandag hou by skole wat geen basiese geriewe het nie. Hierdie damn rasse-kaart is nou al hol-rug gery en snaaks dat dit altyd die wittes is wat kamstig ‘n probleem het. Gaan praat met die ouers in skole vir ‘n verandering en moenie jou eie kop volg nie want duidelik het jy nie ‘n idee wat jy doen nie. Meneer LUR, het jy ooit matriek en na-skoolse kwalifikasies. Wonder maar net want ek glo nie! Los die skole wat werk!… Lees meer »

Se Maar Net

Praat van rassisme!!
Die man neem reg in eie hande, want hy wil dit doen.
Hy dink hy is “Larger than Life”.

KarooKlong

Adv. Alberts moet nou net besluit om iets aan die saak te doen.

Leonard van der Dussen

‘n Aanhaling van dr Verwoerd: “Skep u eie toekoms!” Ons kan hof toe gaan met baie dinge, maar dis uiteindelik die hof wat saamgestel word deur dieselfde regering teen wie daar soveel beswaar is. Baie van ons het dit verwag, en vroeg al begin werk aan alternatiewe, maar daar is nog te veel vertroue op ‘n disfunksionele staat se instrumente, waarvan die howe tog deel is, om dinge vir die toekoms reg te hou. Bou self skole, letterlik (geboue, fasiliteite) en figuuurlik (stel die skool saam). Bou self weer onderwysstelsels op. Bou onderwys wat die spronge in tegniek, kennis en… Lees meer »