DA: ‘ANC wil grondkwessie voor verkiesing deurdruk’

Pres. Cyril Ramaphosa tydens die staatsrede 2019 (Foto: Phando Jikela/ANA)

“Pres. Cyril Ramaphosa blyk meer vasbeslote as ooit te wees om grondonteiening sonder vergoeding deur te druk vir politieke punte in aanloop tot die komende verkiesing.”

Só sê Thandeka Mbabama, die DA se skaduminister van landelike ontwikkeling en grondhervorming. Mbabama het Saterdag in ʼn verklaring gereageer op Ramaphosa se aankondiging in sy staatsrede dat adj.pres. David Mabuza aan die hoof sal staan van die interministeriële komitee van grondhervorming wat parallel met die grondwetlike hersieningsproses sal saamwerk.

Mbabama sê die party het ook kennis geneem van die adviespaneel van kenners wat teen einde Maart aan die regering moet terugvoer gee oor sy grondhervormingsprogram.

“Ons het dit nog altyd ondubbelsinnig duidelik gestel dat ons daaraan toegewyd is om die gewelddadige verlede van grondonteiening in die land te herstel. Ons beskou grondhervorming ook steeds as ʼn maatreël vir sosiale geregtigheid wat Suid-Afrikaners moet ondersteun.

“Aan die ander kant voel die DA die proses wat gelei het tot die grondwetlike hersieningskomitee se verslag wat aanbeveel dat artikel 25 van die Grondwet gewysig moet word om grondonteiening sonder vergoeding moontlik te maak, was gebrekkig,” sê Mbabama.

“Daarom sál die DA die wetlikheid van die grondwetlike hersieningsproses betwis as hierdie prosedureel gebrekkige verslag aanvaar word. Ons hou vol die Grondwet is nie ʼn struikelblok vir grondhervorming nie. Die eintlike struikelblokke is korrupsie, beperkte begrotings en ʼn gebrek aan politieke wil deur die mislukte ANC.”

Sy het bygevoeg hoewel die DA nie grondhervorming teenstaan nie, voel die party die ANC se poging om grondonteiening sonder vergoeding ʼn werklikheid te maak is bloot ʼn poging om sy eie mislukkings te verbloem.

“Die ANC het 24 jaar gehad om hierdie ongeregtigheid aan te pak en hy het misluk. Om die Grondwet te verander is maar net ʼn manier om vir die ANC tyd te wen sodat die party kan voortgaan om te plunder terwyl die land in absolute armoede verval.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Adrian

Dit is so vanselfsprend ….. dit is ” FOR OUR PEOPLE

Hennie

Cyril en sy kaders moet een ding besef, as ons niks meer het om te verloor nie, dan sal hy ons nie kan beheer nie!

Hanna Hoekom

Die hele spul in die ANC is erg kortsugtig: niemand wil oor die moontlikheid van n tweede Zimbabwe praat nie! Nee, ons wil net die verkiesing wen… En dan? Hoop “our people” kan grond eet! Boer kan hulle nie. Instandhou kan hulle ook nie. Hongersnood is ons voorland. Maar dit sal ook weereens op die Weste geblameer word. Mark my words.

Ander Koos

Almal praat oor grond, maar o s v is groot bedreiging vir privaat hospitale wanneer anc regering hulle nasionale gesondheid versekering deur voer. Miljarde Rande se bates op die spel en die uitkoms is voorspelbaar

SjN

Useless, besef hulle dit nie.