DA bekommerd oor De Kock-besluit

Die DA het sy kommer uitgespreek oor die proses en regverdigheid rakende die besluit om nie vir Eugene de Kock op parool vry te laat nie.

“Dit blyk dat die proses nie ten volle gevolg is nie,” het James Selfde, DA-LP, in ‘n verklaring gesê.

Hy sê daar was baie ander apartheidsamptenare wat die misdade wat De Kock gepleeg het onderskryf het, maar wat nooit vir hulle optrede verantwoordelik gehou is nie.

Michael Masutha, minister van korrektiewe dienste, het Donderdag aangekondig dat De Kock nog ‘n jaar sal moet wag om te hoor of sy aansoek om parool goedgekeur gaan word aangesien die families van sy slagoffers eers geraadpleeg moet word.

“Dit bly ietwat onbillik te wees dat De Kock, wat baie ernstige misdade gepleeg het as ‘n amptenaar van ‘n bose stelsel, skynbaar die enigste een is wat gestraf word,” het Selfe gesê.

De Kock (65) het reeds 18 jaar tronkstraf uitgedien.

Lees ook:
Eugene de Kock nie op parool vrygelaat