DA bevestig eerste dissiplinêre stap teen Zille

Helen Zille.

Helen Zille.

Helen Zille, premier van die Wes-Kaap, sal Saterdag deur die wetlike strukture van die DA se federale uitvoerende komitee ondervra word om te bepaal of sy dissiplinêr aangekla moet word oor haar omstrede uitsprake oor kolonialisme op Twitter.

“Hulle sal dan besluit of daar bewyse is om ʼn dissiplinêre aanklag te steun,” het James Selfe, die voorsitter van die party se federale uitvoerende komitee, gesê. Selfe het gesê die komitee sal ʼn verslag oor die vergadering met Zille ontvang en op grond daarvan besluit of die saak na die dissiplinêre paneel verwys sal word of nie.

Mmusi Maimane, die DA se leier, het ʼn klag by die party gelê nadat Zille se Twitter-uitsprake verlede week ʼn sosiale media storm ontketen het. Zille het in ʼn reeks twiets bevraagteken of “elke aspek van kolonialisme sleg was”. Haar uitsprake het wyd kritiek uitgelok.

Sy het sedertdien om verskoning gevra vir haar twiets, insluitend aan die party wat sy gelei het voordat sy die leisels aan Maimane oorgegee het.

Indien Zille dissiplinêr verhoor word, sal die uitslag van die verhoor aan die party se uitvoerende komitee voorgelê word. Die komitee sal dan besluit of hy aanbevole sanksie onderskryf of daaraan wil verander.

Zille het die reg om appèl aan te teken teen die besluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Fritz

Gan sy aangekla word oor sy wit is?????

Theo Visser

En ek het nog altyd gedink vryheid van spraak word gewaarborg deur die Grondwet ?

Helmien

As almal net wil ophou om so liggeraak te wees. Sal die wereld n beter plek wees. Niemand mag n opinie hé behalwe sekere mense nie. Daai sekere mense kan sê wat hul wil en die res moet altyd boet vir als. Helen Zille het bloot n opinie gelug. Maar net sekere mense mag opinies hé. Die res van ons opinies is ongeldig. Dit is jammer dat Suid Afrika slegs media reguleer. Terwyl die regering ons kaal steel. Moet goed soos twitter gebruik word om die aandag af te trek van die stelende massa in ons parlement.

Sarel Strydom

Sy is klaar utverkoop. Ondersoek is net rookserm.

marous

tot in my tone….