(Foto: Rodger Bosch/AFP)
Die Demokratiese Alliansie se hoogs invloedryke saak teen vanjaar se “buitensporige” 30%-verhoging in kragtariewe deur Nersa sal Maandag in die Pretoriase hooggeregshof aangehoor word.
“Die DA wil hierdie onbekostigbare en aanstootlike nasionale verhoging laat hersien, omdat mense reg oor Suid-Afrika nie meer die prysverhogings kan bekostig wat die ANC-regering deurgaans op hulle afdwing nie,” het die party in ʼn verklaring gesê.
Die DA-saak sal ook poog om die ANC-geskepte kragkrisis en beurtkrag ongrondwetlik te verklaar.
Helen Zille, voorsitter van die DA se federale raad, sal ʼn afvaardiging van die DA se nasionale en Gautengse leierskap by die hof lei. Dié afvaardiging sluit in DA- federale voorsitter Ivan Meyer, Wes-Kaapse premier Alan Winde en Gautengse DA-leier Solly Msimanga in.
ministers betaal nie vir hul krag nie dis hoekom daar geen bekommernisse is oor publiek nie
Daar is genoeg krag vir almal – hierdie anc beurtkrag is blatante onbevoegdheid en terrorisme.
Dalk raak dit tyd dat dienslewering van krag, water, riool, vullis verwydering gefaktureer word volgens die dienste wat wel gelewer word, as ons 30% meer moet betaal maar elke keer wat ons diens nie gelewer word nie kan aftrek gaan ons beslis op die einde minder betaal elke maand.