DA dien kriminele klagte in teen De Lille

Kaapstad se burgemeester, Patricia de Lille, soek nou eers haar goeie naam terug voor sy bereid is om uit te tree, ten spyte van ’n ooreenkoms om Woensdag die tuig neer te lê. Foto: ANA

Die DA het Dinsdagaand bevestig hy het kriminele klagte ingedien het teen Patricia de Lille, uittredende burgemeester van Kaapstad, asook teen die burgemeesterskomiteelid Brett Herron, soos aanbeveel in die Bowmans-verslag.

Dirk Smit, speaker, het die klagte teen De Lille by die sentrale polisiekantoor in Kaapstad aanhangig gemaak kragtens die Wet op Munisipale Stelsels omdat sy na bewering amptenare beskerm het wat betrokke was by tenderbedrog en onregmatige uitbetalings, het Natasha Mazzone, adjunkvoorsitter van die DA se federale raad, gesê.

Herron word aangekla ingevolge die Wet op die Voorkoming en Bestryding van Korrupte Bedrywighede.

Mazzone sê sy was verbaas toe De Lille aandui sy sal nie Woensdag uittree nie; dít nadat sy met Mmusi Maimane, DA-leier, oorgekom het om einde Oktober die amp neer te lê.

“Ons regsverteenwoordigers het aan me. De Lille se prokureurs geskryf na aanleiding van haar opmerkings om te sê ons verwag van haar om die tuig môre [Woensdag] neer te lê, soos ooreengekom.”

De Lille berei haar voor om die Bowmans-verslag van 2 000 bladsye regtens uit te daag. Sy het Maandag gesê sy wil haar naam in ere herstel vóór sy uittree.

Maar Mazzone beskuldig haar van “nimmereindigende vertragingstaktiek”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Oujongvrou

Hierdie vrou het geen ordentlikheid in haar nie. Sy sleep die DA die afgrond in. Die DA sal geen onregmatige gedrag duld nie , en dis waaroor ek hulle steun. Korrupsie word nie geduld nie. So asb, mev De Lille, vat jou goed en trek. Dankie Mnr Maimane dat ons kan staatmaak op n party wat die persone wat die geringste dingetjie verkeerd doen, uit te werk. Ons maak staat op julle.

LHS

Gaaaap……..hoeveelste keer gaan dit nou wees………narre.

Dries du Toit

Sy tree op soos n ANC. Sy hoort daar en gee kans sy sal daar eindig

fiki

Dis net snaaks dat die DA eers die klagtes terug hou en nou dat sy nie wil uitree nie die klagtes gaan lê… is dit korrupsie toesmeer of is dit afpersing.

Die DA is net soos ander partye….KORRUP

Johan H.

Die drama queen kan maar net nie wegbreek vanaf die limelight nie. Sy doen maar net nog meer skade aan die da!