DA eis aksie ná gru-plaasmoord

Argieffoto: AfriForum Jeug

Argieffoto: AfriForum Jeug

Suid-Afrika het dringend ʼn landelikeveiligheid-polisiëringstrategie nodig. Die SAPD moet weer ʼn gespesialiseerde eenheid vir landelike veiligheid op die been bring, het die DA gesê.

“Die DA is geskok en hartseer oor nog ʼn brutale plaasaanval,” het Annette Steyn, woordvoerder van die party, gesê.

Steyn het verwys na die wrede moord Vrydag op Hannes en Ester Kidson, albei 70 jaar oud, op hul plaas tussen Jachtfontein en Westonaria, Gauteng. Ester was in ʼn rolstoel. Die egpaar is verskeie kere met ʼn skerp voorwerp gesteek.

“Die DA betuig sy medelye met die familie, vriende en geliefdes van die egpaar. Julle is in ons gedagtes in die moeilike tyd,” het Steyn gesê.

Volgens Steyn is dit duidelik dat mense wat in landelike gebiede woon in groot gevaar is. “Suid-Afrika het dringend ʼn landelikeveiligheid-polisiëringstrategie nodig wat die werklikheid in ag neem. Die DA het al herhaaldelik versoek dat ʼn gespesialiseerde landelikeveiligheidseenheid weer in die polisie op die been gebring word maar sonder sukses.”

Steyn het gesê die noodsaaklikheid hiervan is bevestig deur ʼn verslag van die Menseregtekommissie dat wetstoepassingsagentskappe hul betrokkenheid moet opskerp om misdade in boerderygemeenskappe te beveg.

Die DA het versoek dat die MRK se verslag in die parlement ter tafel gelê moet word vir bespreking deur die parlementêre portefeuljekomitee oor polisie. “Dit is die beste manier om te verseker dat die voorstelle in die verslag nagegaan kan word teen die regering se reaksie sedert 2015.”

Steyn het gesê die DA sal nie rus voor geweldsmisdaad aangepak word en elke mens in vrede kan leef en veilig voel in die wete dat die regering alles doen om sy of haar veiligheid te verseker nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

89 Kommentare

jongste oudste gewildste
Chris

Die antwoord is verspot voor die handliggend: bring die Kommandos terug!

Vossie Vosloo

Is dit weer verkiesingstyd? Wie wil hulle beïndruk?
Amper ‘n saak van “too little too late?”

Genoeg

Ontplooi die weermag op plase daar is mos geen grense meer nie so wat doen hul almal.DA is n sirkus op sy eie met n paar hoof narre.

JAK

Hoekom nou?

Sê maar net

Nou toe nou…..