DA eis antwoorde oor ‘geheime reddingsboei’ van R2 miljard aan SAL

(Argieffoto)

Die Demokratiese Alliansie het Sondag gesê hy is besorg dat finansiering, van ʼn onbekende bron, aan die bankrot SAL oorhandig is sodat die lugdiens salarisse kan betaal en verder kan handel dryf.

Die party sal Tito Mboweni, minister van finansies, skriftelik versoek om besonderhede te verskaf oor die bedrag en bron van die fondse wat aan die SAL oorbetaal is, het Alf Lees, DA-lid van die parlement se staande komitee oor openbare rekeninge (Skoor), Sondag in ʼn verklaring gesê.

“Die finansiering, of dit ʼn tipe lening van banke, die verkope van staatsbates of selfs die onwettige gebruik van die R5 miljard wat begroot is vir die terugbetaling van SAL se lenings is, beteken dat die ANC-regering weereens gekies het om hul SAL-ydelheidsprojek te finansier eerder as die desperate behoeftes van armoedige Suid-Afrikaners en die 10 miljoen werklose Suid-Afrikaners.”

Die nasionale regering kan nie eenvoudig die nasionale fiskus bly dreineer deur onsuksesvolle staatsbeheerde instansies soos die SAL te finansier nie, het hy bygevoeg.

“Ondanks ʼn skrywe aan pres. Cyril Ramaphosa om te versoek dat hy Tito Mboweni, sy minister van finansies, in sy posisie moet steun om verdere reddingsboeie aan die SAL te weier, is dit duidelik dat Mboweni die stryd verloor het. Dit is ʼn hartseer uitslag vir Suid-Afrikaners en nóg ʼn spyker in die doodskis vir ʼn Moody’s-afgradering. Die DA hou voel: slegs likwidasie is nou die antwoord vir die SAL en geen verdere reddingsboeie moet aan hulle oorbetaal word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Johann cb

ANC, julle is besig om Suid-Afrika die afgrond in te bestuur!

Johan Venter

Babasterftes: Ramaphosa laat Tembisa-hospitaal in die steek, lees die opskrif vanmiddag van ‘n berig op Netwerk24, en ek haal ‘n stukkie aan:

“Pres. Cyril Ramaphosa het nie sy beloftes nagekom ná sy besoek in Mei 2018 aan die Tembisa-hospitaal aan die Oos-Rand nie, sê Jack Bloom, DA-woordvoerder oor gesondheid.”

Goeie genade, dit is nou maar eers 26 Januarie, dis die een kartets op die ander wat ons moet trotseer, soos ook die ander berigte en die een hierbo wat net vandag verskyn het, mens sidder om te dink wat lê nog vir ons voor.

John

… mmm.. alle paaie lei na Rome en ons weet almal wat toe met Rome gebeur het. Diegene wat nie weet nie, vlieg met SAL na Rome en stap daar rond… vra uit oor die ekonomie en die Pous se liefdadigheidswerk en oor die Mafia en probeer om ‘n toebroodjie langs een van die fonteine te eet… Enjoy your stay…

Hansie slim

Nog ‘n paar miljard in die drein af!! Die SAL is die ANC se persoonlike vervoer.. gratis natuurlik. Daar is nie ‘n manier dat hulle sal toelaat dat SAL onder sal gaan nie!! Nou kom al die ander “drenkelinge”..!!

Strandloper

Mooi man …die wedloop is aan om te kyk wie kan nou daai geldtjies die vinnigste laat weg raak…