DA eis ondersoek ná minister niggie aanstel

Zweli Mkhize
(Foto: Nqobile Mbonambi/African News Agency)

Die Demokratiese Alliansie (DA) het Maandag ’n volledige ondersoek aangevra na die aanstelling van Zweli Mkhize, minister van gesondheid, se niggie as sy personeelhoof. Dit ten spyte daarvan dat sy van korrupsie beskuldig word.

Sibusisiwe Ngubane Zulu word daarvan beskuldig dat sy medepligtig was aan die wanbestuur en wanbesteding van ongeveer R6 miljard tydens haar ampstermyn by die Openbare Beleggingskorporasie (OBK).

Die DA versoek die staatsdienskommissie om Zulu se aanstelling dringend te ondersoek. Die DA meen dit is van kardinale belang dat die aanstelling van ’n familielid wat van korrupsie verdink word, deeglik ondersoek moet word om vas te stel of die regte aanstellingsproses gevolg is.

Siviwe Gwarube, die DA se skaduminister van gesondheid, sê Zulu se aanstelling as personeelhoof is kommerwekkend, hoewel die aantygings van korrupsie teen haar nooit tot strafregtelike aanklagte gelei het nie.

Die nuus oor Zulu se aanstelling is bekend gemaak kort nadat die amptelike opposisieparty onderneem het om planne vir die instelling van die nasionale gesondheidsversekering (NGV) die stryd aan te sê.

Gwarube sê Zulu se aanstelling is ʼn verdere bewys dat die DA die nasionale gesondheidsversekering moet teenstaan.

“Enige ordentlike bestuursmodel bepaal dat die aanstelling van ’n bestuurslid wat ’n fonds van miljarde rande bestuur, onafhanklik van politici moet wees. Mkhize se aanstelling van sy familielid is duidelik ’n teken van wat op pad is,” sê Gwarube.

John Steenhuisen, die DA se parlementêre leier, het Maandag gesê die voorgestelde model om Suid-Afrika se gesondheidsorgstelsel te hersien, gaan ’n ramp wees. Die DA sê hulle sal voorstelle vir ʼn meer doeltreffende stelsel voorlê om gesondheidsorg vir landsburgers te subsidieer.

“Die heel laaste ding wat ons nodig het, is dat die regering meer beheer oor gesondheidsorg kry,” het Steenhuisen gesê.

Mkhize se woordvoerder het Zulu se aanstelling bevestig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
toy

Bandjies vir boeties.

Keelvol

So sorg hulle vir mekaar.
Wonde4 wat haar salaris as personeelhoof is as Sizulu se raadgewers R2miljoen per jaar kry.
Wat het van sy vorige personeelhoof geword of is die sommer ‘n nuwe posbenaming?
Nou kan sy nog ‘n paar familielede aanstel om met al die werk te help.

Petrus

Die tyd kom nader waar geen salarisse betaal kan word nie.

Lou

Hoe ry die trein, hoe ry die trein, die ANC se SOUSTREIN
Hoor daar hoe klinkel hy.

Anel

Nou hoekom is sy nie in die tronk nie?