DA eis óók ondersoek oor Stellenbosch-‘rassisme’

'n Skermskoot uit die video.

‘n Skermskoot uit die video.

Die Demokratiese Alliansie het Dinsdag by die ANC aangesluit om te eis dat ‘n ondersoek oor bewerings van rassisme by Universiteit Stellenbosch gedoen word, ná ‘n dokumentêr, Luister, uitgereik is.

“Die rasse-spanning by US, soos blootgestel in die dokumentêr, kan nie onder die mat ingevee word nie,” het Phumzile van Damme, woordvoerder van die DA, gesê. “Ons stem gevolglik in dat ‘n ondersoek oor die saak ingestel word om die feite te bepaal en om die nodige stappe te doen om die situasie te beredder.”

Maroela Media het vroeër berig oor die 34-minuut lange video genaamd “Luister” wat op 20 Augustus op YouTube gelaai is. In die video praat 32 swart studente van die US en die Elsenburg-landboukollege terwyl ʼn dosent hulle uitvra oor hul ervarings by die universiteit. Die studente vertel in die video van rassistiese gedrag teenoor hulle by die instansie waar die dominante onderrigtaal Afrikaans is.

Die dokumentêr is sedertdien reeds meer as 85 000 keer gekyk.

Die ANC het vroeër gesê hulle verwag dat die Suid-Afrikaanse Menseregtekommissie en die portefeuljekomitee vir hoër onderrig dringend die bewerings sal ondersoek en met al die relevante partye sal vergader.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
sannie

Us was nog al die jare n Afrikaanse universiteit as jy onwelkom voel met die taal….Soek vir jou n ander universiteit wat wel in jou taal klas gee

Gertjie

Hierdie is die ANC se skuld.
Net soos hulle altyd Apartheid wil beskuldig.

Gert Kruger

Hierdie is maar net weer ñ uitgesoekte klomp om maar net weer ñ instelling te saboteer en geen doel het om te studeer en net wil afbreek

Johann Marx

Haha….34 minute lank met 32 swart studente gesels wat konstant klae omdat hulle “rassistiese opmerkings” TEEN hulle beleef het….nadat een met ‘n wit meisie wou dans, ‘n ander een rumoerig was in die koshuis, en ‘n ander een aangedring het om vrae tydens ‘n lesing in Engels te vra, en in Engels geantwoord te word. Dis so pateties. Waarom verwag hierdie mense dat almal om hulle na hulle pype behoort te dans. As jy NIE in ‘n Universiteit wil wees waar die meerderheid studente blank is en Afrikaans praat nie…..gaan skryf jouself êrens anders in, waar alles na jou smaak… Lees meer »

Sarie

Hierdie bewerings is baie vaag Hoekom gee hulle nie insidente waar rassisme plaasgevind het Die DA se oordeel is ook onder verdenking soos destyds by Kleinfontein Kan verstaan waarom na hulle as ANC lite verwys word