DA-jeug wil BLF verkla ná skooltragedie

Luyulo Mphiti. Foto: Facebook

“Terwyl die land rou oor die dood van drie leerders by die Hoërskool Driehoek, het die BLF van die mees veragtelike sentimente versprei.”

Só het Luyolo Mphiti, DA-jeugleier, gesê in reaksie op uitlatings wat Lindsay Maasdorp, omstrede nasionale woordvoerder van die BLF, en Zwelakhe Dubasi, adjunksekretaris-generaal van die BLF, gemaak het na die tragedie by Hoërskool Driehoek.

Maasdorp het ook op die tragedie reageer deur te sê: “God is on our side.” Dubasi het op sy beurt gesê: “Ancestors are with BLF, as we fight they fight too. They shake the land and white buildings built on stolen land collapse. Keep fighting Zinyanya, you are fighting a good fight. Camagu! [sic]”

Mphiti het die uitlatings as veragtelik bestempel en gesê die enigste rede hoekom die BLF so sal reageer is omdat hulle die land op grond van ras wil verdeel. “Hulle sal ʼn tragiese voorval wat die lewens van kinders geëis het, gebruik om rassehaat te versprei wat vir te lank al ongehinderd voortgaan.”

Die DA-jeug sal die Menseregtekommissie nou versoek om die saak te ondersoek. “Ons sal vra dat die ondersoek bespoedig word sodat ons die MRK se verslag oor die aangeleentheid kan gebruik vir ons saak voor die Onafhanklike Verkiesingskommissie (OVK) om die BLF te keer om aan die verkiesing deel te neem.”

‘n Skermskoot van die uitlatings.

Mphiti het gesê daar kan nie toegelaat word dat Andile Mngxitama, BLF-leier, en sy “luitenante” rasseverdeeldheid saai en geweld aanhits nie.

“Die DA se visie om een Suid-Afrika vir almal te bou verg dat ons optree teen alle vorme van ekstremisme aan beide kante van die politieke spektrum. Ons sal nie net stilsit terwyl rassiste hul spasie in die openbare diskoers gryp nie. Dit is giftig en gevaarlik. Die MRK en die OVK moet vinnig teen die BLF optree.”

Adv. Anton Alberts, VF Plus-voorsitter, het vroeër gesê die party dring daarop aan dat die MRK dié uitlatings rakende die tragedie by Hoërskool Driehoek met dieselfde dringendheid ondersoek as in vorige gevalle waar wit mense van rassisme beskuldig is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

65 Kommentare

jongste oudste gewildste
Nel

As daar nie ‘n verkiesing om die draai was nie, sou ek ‘njannies’ geglo het die ou bedoel wat hy kwytraak…

Msie

Dis reg, vat hulle vas. Ek het ook aaklige boodskappe gesien wat aaklig rassisties was. As die bordjies verha lng was, het al wat koerant was vandag die rassisme uirbassuin en gegil vir boetes en hofsake

Wdp

Te laat DA. VF+ julle een voor. Help nie nou om gat te kruip na die Sweize fiasko nie.

Riaan

Dieselfde rasis wat die SR gemors begin het wil nou skielik maak of hy rasisme afkeur??
Hy en Musi maimani het tot nou toe nog nie omverskoning gevra vir SR nie so hoekom hulle nou skielik glo?
Het nie die da nodig om ons fight te fight nie. Ons sal dit self doen mnr rasis!

jaco

Lindsay Maasdorp moet ook wakker word. Hy is ‘n Kleurling, wat deur die swart ANC owerhede beskou word as “not black enough”. Dieselfde sal maar gebeur indien die swart BLF ooit regeer. Dan word die Maasdorp en ander kleurlinge wat saam met hulle ge-struggle het, maar weer net gedrop en gewone kleurlinge wat werk soek kry niks, want hulle velkleur is nie swart genoeg nie. Ek het bewyse vir wat ek hier kwytraak.