DA kap na ANC oor R12 miljard-belastingverhoging

skuld-krediet-afbetaling-belasting-sakrekenaar-rekenaar-boekhou

(Foto: FirmBee/Pixabay.com)

ʼn Regering moet besluite neem wat billik is vir die héle land. “Om te regeer is om te kies. Geen regering kan alles hê, of aan alle behoeftes voldoen nie,” het Geordin Hill-Lewis, die DA se woordvoerder oor finansies, Dinsdag tydens die debat oor die belastingwet-wysigingswetsontwerp en die koerse, monetêre bedrae en wysiging van die inkomstewette-wetsontwerp gesê.

Die belastingwet-wysigingswetsontwerp en die koerse, monetêre bedrae en wysiging van die inkomstewette-wetsontwerp is ʼn jaarlikse wetswysiging wat die nasionale tesourie se aangepaste begroting en belastingwysigings moet bekragtig.

Volgens hom gaan die wysigingswetsontwerpe lei tot ʼn belastingverhoging van R12 miljard vir werkende gesinne omdat daar versuim is om belastingkerwe vir inflasie aan te pas.

“Die R12 miljard in bykomende belasting kom reguit uit die sakke van elke hardwerkende Suid-Afrikaner. Is dit billik? Nee, dit is nie. En dit is ook nie eties verdedigbaar nie.”

Hill-Lewis het gesê die regering prioritiseer reddingsboeie vir staatsbeheerde ondernemings (SBO) en salarisse vir sogenaamde miljoenêr-staatsamptenare, ten koste van werkende gesinne wat reeds sukkel om liggaam en siel aanmekaar te hou.

“Hierdie goeie hardwerkende mense moet verhogings in kragtariewe, brandstof, BTW, openbare vervoer en skoolgeld trotseer. Hulle is toenemend onseker van hul werk en hul lone hou nie by inflasie by nie.

“Dít is die mense wat vir dié belastingverhoging moet betaal,” het hy gesê.

“Hierdie mense moet elke maand meer van hul swaarverdiende geld gee om die Suid-Afrikaanse Lugdiens en Eskom uit die moeilikheid te hou.”

Die DA het gesê die ANC, wat beweer hy regeer vir die werkersklas, is in werklikheid ʼn party wat regeer vir die nuwe miljoenêr-elite in die staatsdiens en die multi-miljoenêr-kaders wat by SBO’s ontplooi is.

Hill-Lewis het gesê die inkomste van werkersklasgesinne moet beskerm word, en nie ideologieë van wetgewers wat uit voeling met hulle is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Feite

Om te praat met die ANC regering en CR help nie meer nie en niemand hoef meer daaroor te twyfel nie dat CR n president vir die ANC is en nie vir SA nie. Gemeenskaplike en radikale belasting weerstand en weerhouding teenoor hierdie verhoging moet gesamentlik deur alle opposisiepartye geloods word!

Frans

Hoe geldgierig en ongevoelig wil die ANC voortgaan todat ALLE moontlike metodes van “Geld in die sak” misluk? Die belastingbetaler is óórbelas en kán nie méér aan die regering se buitensporige luukse lewensstyl voldoen nie. Binnekort is die geld op en dan regeer die ANC oor ‘n land wat hulle tot bankrotskap “bestuur” en “regeer” het. Die regering is die werknemer, nié die werkgewer nie. Maar ons as belastingbetalers word “regeer” asof ons die regering se werknemers is. Dit is ‘n uitbuit en misbruik van hulle magte. Todat hulle besef dat hulle ‘n bankropte land “regeer”. Maar hulle geld is… Lees meer »

Schalk

Bankrotskap begroting n regte manier julle het mooi geleer by Bob van Zimbabwe en gelukkig is die gebrek aan kapasiteit in jul geledere so dat julle nie weet dat julle nie weet nie.Gelukkig sal die IMF nie meer geld leen nie en ook nie China nie want alles is verpand.

Julie Jansen van Rensburg

Vinnig op koers na Zimbabwe onder Mugabe….

Charlotte

Die staatsdiensamptenare, is die van ministers ens, glad nie die res nie…. slegs hulle wat in hoë poste aangestel is….