DA kry nuwe leier in Wes-Kaap

Bongikosi Madikizela. Foto: DA.

Bongikosi Madikizela, die Wes-Kaapse LUR vir menslike nedersettings, is as die nuwe leier van die DA in die Wes-Kaap aangewys.

Madikizela het sedert Januarie vanjaar in dié posisie waargeneem nadat Patricia de Lille uit die posisie bedank het. Hy is Saterdag by die DA se provinsiale kongres in Goodwood in Kaapstad verkies.

Albert Fritz, LUR vir sosiale ontwikkeling, is as Madikizela se adjunk aangewys, terwyl Anton Bredell, Kaapse LUR vir plaaslike regering, omgewingsake en ontwikkelingsbeplanning, as die provinsiale voorsitter van die party aangewys is.

Die drie ondervoorsitters vir die provinsie is JP Smith, Shaun August en Antoinette Steyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Jaco Prins

Dit is uiters onaanvaarbaar dat die DA ‘n leier kies van buite die provinsie en boonop iemand wat nie eers afrikaans kan praat nie, die man se engels skiet selfs erg kort. Daar is ‘n duidelike vendetta teen die afrikaanse bevolking van die Wes-Kaap. Ek hoop mense neem sterk kennis hiervan en dat hul, hul stemme in 2019 ooreenkomstig sal aanpas. Die DA verdien nie die mooi provinsie nie en Afrikaans verdien iemand in die Wetgewer wat vir hom sal veg, ons het so ‘n mooi taal.

N Lourens Reitz

Jy is so reg Jaco.Ek stem saam.

Haan

Tikfout in eerste sin

Boet Fasie

Die DA glo net in regstellende aksie kanidate vir die senior en bestuurposte. Die blanke afrikaner tel deesdae nie veel punte nie want die DA soek getalle vir die volgende verkiesing en sal die afrikaner vertrap om hul doelwit te bereik. Hoop nie hulle skrik wakker as hulle dieselfde pad as die ANC loop nie.

Ben

Gaan nie meer DA stem nie aangesien hulle nie daarin kon slaag om ‘n uiters belangrike lewens water bronne nie behoorlik te bestuur nie. Daar is tekort aan “common sense”. Geld wat gemors is op stadium in 2010, varswater swembad in see, parke en paaie wat nie onderhou word nie ens. Ek is jammer om julle wakker te maar die plan van water besparing met bevolkings groei en immigrasie gaan nie werk op die lang duur nie.