DA-leier gekap oor twiet

'n Skermskoot van Maimane se twiet.

‘n Skermskoot van Maimane se twiet.

ʼn Twiet van die DA-leier Mmusi Maimane het verskeie sosiale media-gebruikers warm onder die kraag terwyl sy woordvoerder meen dit is “onbenullig” binne die groter prentjie van wat in die land aangaan.

Maimane het ʼn foto getwiet van drie mans wat klippe in hul hande vashou, om ʼn hoek staan en kyk en lyk of hulle gereed maak om iemand met die klippe aan te val. “Waiting for the two #coffincase people who act in despicable manner against the South Africa we ought to build. Racism must be destroyed,” het Maimane geskryf.

Maimane het dit getwiet kort nadat Willem Oosthuizen (28) en Theo Martins Jackson (29) in die Middelburg-landdroshof verskyn het nadat hulle na bewering ʼn man in ʼn doodskis ingedwing het.

Maimane is deur talle gebruikers gekritiseer terwyl ander gemeen het dit is net ʼn grap. Mabine Seabe, Maimane se woordvoerder, het aan Maroela Media gesê dit is “verstommend” dat Maimane se twiet as “nuus” beskou kan word.

“Die twiet is regtig nie ʼn kwessie binne die groter prentjie nie. Die Grondwet word ondermyn, die president lieg en steel, 8,9 miljoen Suid-Afrikaners is werkloos en die DA werk om korrupsie en rassisme te beveg en dienste te lewer in plekke waar ons regeer. Die DA sal voortgaan om te veg teen rassisme en alle vorme van dwepery.”

Op ʼn vraag aan Seabe of Maimane se twiet nie as aanhitsing beskou kan word nie, het hy gesê die DA is ʼn party van die oppergesag van die reg. “Ons sal nooit geweld aanhits of goedkeur nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

82 Kommentare

jongste oudste gewildste
Johann

Dit bring die prentjie wat in die land aan gaan, in perspektief.

Johanita

Dit lyk vir my so al of hy geweld aanhits.

Bennie

Sy twiet is onaanvaarbaar veral in die lig gesien van al die geweld op blankes hoekom twiet hy nie daaroor nie. Sy twiet kom oor of hy die geweld goedkeer en kan nie as iets onbenullig uitgemaak word nie. Persone in sy posisie moetdink voor hulle twiet en moenie op die ingewing van die oomblik reageer nie. Ons land is alreeds n tydbom wat se lont aangesteek is almal het net genoeg gehad.

Kosie

‘n Beeld spreek ‘n duisend woorde, maar so kom die ware “kleure” nou te voorskyn.Was maar net ‘ n kwessie van tyd.

m

Liewe hel ma kyk hoe groot is daai klippe. Moet n opgevoede mens op so manier aangaan??