’n Gewese DA-aktivis wat Nelson Mandelabaai se voormalige burgemeester, Athol Trollip, daarvan beskuldig het dat hy haar wou omkoop, is Vrydag in die Port Elizabethse landdroshof aan laster en crimen injuria skuldig bevind.
Nontuthuzelo Jack (47), van Tshwete Village, is skuldig bevind nadat sy beweer het Trollip het haar omkoopgeld aangebied om feite in te win oor die voormalige DA- provinsiale voorsitter Veliswa Mvenya waarmee dié swartgesmeer kon word.
Haar aantygings is in ʼn plaaslike koerant gepubliseer in die aanloop tot 2016 se munisipale verkiesing.
Ná die uitspraak het Trollip getwiet: “Die waarheid seëvier altyd.”
Jack sal na verwagting Donderdag gevonnis word.
Lekker julle wil mos nie ophou lieg nie.
Ken mense nie meer die verskil tussen reg en verkeerd of waarheid en lieg nie? Leer hulle ma’s hulle nie dat lieg slegte gevolge het nie?
Maak n voorbeeld van haar. Wat se skade verrig hul geliegery nie als nie. Kyk maar vir paddachef. Dis as hulle sien hul kom weg dat hulle dink almal is dof. Soos daaie ander moordenaar wat gese het die dogter van die 4 wat vermoor is,wou omgang met hom he!!!!
Wat van ook 5 jaar in die tronk sonder parool
Al loop n leuen hoe snel, die waarheid agterhaal hom wel…
Hoe *** is ‘n land sonder vryheid van spraak .
Die is n groter oortreding as die gebruik van die k-woord. Gaan die straf ook swaarder wees?