DA-LP’s verlaat Nasionale Vergadering

Foto: Twitter

Foto: Twitter

Die DA se LP’s het Donderdagaand kort nadat die EFF se LP’s uit die Nasionale Vergadering verwyder is, opgestaan en uitgeloop.

Mmusi Maimane, parlementêre leier van die DA, het gedreig dat DA-LP’s die Nasionale Vergadering sal verlaat indien Baleka Mbete, speaker van die parlement, nie die vraag beantwoord oor of polisiebeamptes gebruik is om EFF-LP’s te verwyder nie.

Thandi Modise, voorsitter van die Nasionale Raad van Provinsies, het tussenbeide getree en gesê die DA se LP’s is welkom om die Nasionale Vergadering te verlaat maar dat hulle nie aangesê word om dit te doen nie. “Ons het nie vir julle gesê om die Nasionale Vergadering te verlaat nie, as julle die besluit wil neem moet julle dit op julle eie neem.”

Maimane staan die media te woord buite die Nasionale Vergadering. Foto: Twitter

Maimane staan die media te woord buite die Nasionale Vergadering. Foto: Twitter

Modise het verduidelik dat die parlementêre beskermingsdienste ingeroep is en die veiligheidsmagte hul samewerking gegee het. “Ja dit is nie gewoon nie, maat dit is nie gewoon dat die gesamentlike sitting in ʼn sitting vir vrae verander word nie. Kan ons asseblief voortgaan?” het Modise gesê.

Sy het gesê sy kan nie bepaal wie was polisiebeamptes in die groep wat die EFF-LP’s verwyder het nie.
Die DA se LP’s het hierna opgestaan en die Nasionale Vergadering verlaat. Pres. Jacob Zuma het hierna met sy staatsrede voortgegaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Jannet

Ons parlementere opening is n sirkus. Wat moet die buiteland van ons dink

ant

Lekker

Thys Human, Pretoria

Maar Zuma HET toe sy toespraak voltooi – ongeag die Malemas en die DA se pogings om dit te blokkeer.

Dankie VF+ dat julle bly sit het – en julle nie so vieslik soos die DA gedra het nie. En ek weet julle gaan Zuma volgende week loop – veral oor sy uitlatings oor grond! Vat hom!

Yolandi

Dit is nou ons wonderlike land, julle voel vere vir die mense van die land solank julle clowns kan maak van jul self en die land se naam deur die modder kan sleep is alles happy go lucky. Mooi so Suid-Afrika so trots op julle…..

GwEn

Hoe kinderagtig! Die DA kla wanneer die ANC die polisie inspan maar hulle doen dieselfde wanneer die ANC hulle vergaderings lastig val. Die DA beteken niks.