DA maak koalisies in Sentraal-Karoo bekend

Patricia de Lille tydens 'n vorige geleentheid. Foto: Twitter

Patricia de Lille tydens ‘n vorige geleentheid. Foto: Twitter

Die DA het Vrydag sy koalisie-ooreenkomste in die Sentraal-Karoo-distrik in die Wes-Kaap aangekondig.

Patricia de Lille, die DA se leier in die Wes-Kaap, het tydens ʼn mediakonferensie gesê dat die party ná deeglike samesprekings besluit het om koalisie-ooreenkomste in Prins Albert, Laingsburg, Beaufort-Wes en die Sentraal-Karoo Distriksmunisipaliteit aan te gaan.

“Die vier partye hier teenwoordig het onder mekaar ʼn ooreenkoms bereik oor hoe ons hierdie munisipaliteit voortaan sal regeer,” het De Lille gesê. Volgens De Lille is daar op die volgende ooreengekom:

  • Die burgemeesterposisie in Prins Albert sal deur Goliath Lottering van die Karoo Gemeenskapsparty (KGP) beklee word, terwyl die posisies van adjunkburgemeester en Speaker deur die DA beklee sal word.
  • In Laingsburg sal die burgemeester Aubrey Marthinus van die Karoo Ontwikkelingsparty (KOP) wees, met die adjunkburgemeester en Speaker van die DA.
  • In Beaufort-Wes sal die burgemeester, adjunkburgemeester en die Speaker van die DA wees. Djorge Malooi sal hier die burgemeestersposisie beklee.
  • In die Sentraal-Karoo Distriksmunisipaliteit sal Noel Constable van die Karoo Democratic Force (KDF) as burgemeester aangestel word, terwyl die adjunkburgemeester en die Speaker van die KGP sal wees en die burgemeesterskomiteelid van die DA.

De Lille het gesê die ooreenkoms het historiese betekenis omdat dit “ʼn einde bring aan ANC-korrupsie in die Sentraal-Karoo-distrik”.

“Hierdie ooreenkoms skep die geleentheid om hande te vat en die mense in die Sentraal-Karoo te wys hoe dit voel om ʼn goeie regering te hê. Ons sal saam met ons vennote en die gemeenskappe daar buite hierdie munisipaliteite herbou. Ons sal beter dienste lewer wat besighede sal laat groei en werksgeleenthede sal skep. Ons wil sien hoe die toerismesektor hier blom en ons soek dieselfde vir die landbousektor,” het De Lille gesê.

“Truman se ANC bestaan nie meer nie. Die ANC-korrupsie wat werksgeleenthede geknou het, is nou iets van die verlede.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Dalena Coetzee

Ek wens hierdie munisipaliteite in die Sentraal Karoo net die beste toe met julle taak. Lojaliteit, eerlike samewerking en harde werk met al die talente wat ons almal ontvang het. is wat nodig is om van ons land ‘n sukses te maak.

Boetman

Interessante toewysings. Nou hoop mens dat die bedmaats nie oorloop planne het nie. Dan is die DA terug waar hul voor die verkiesing was.

KarooKlong

Noudat notsotruman en die anc nie meer daar in bevel is nie sal Beaufort Wes weer blom soos laaaaaaaaaaaank terug.

Knapie

WELGEDAAN!!!!!!!!!!!

Garath

Deur genade is hier ‘n deurbraak gemaak. Moet asseblief nie die mense van die streek teleurstel nie. Ek verwag dit nie, maar hulle ook nie.