DA ondersoek beweerde skenking aan Dlamini-Zuma

Nkosazana Dlamini-Zuma. Foto: ANA/David Ritchie

Die DA het onderneem om alles in sy vermoë te doen om agter die kap van die byl te kom van bewerings dat R55 miljoen van Bloemfontein se belastingbetalersgeld aan dr. Nkosazana Dlamini-Zuma se veldtog om in 2017 leier van die ANC te word, geskenk is.

Alle bewerings dat belastingbetalersgeld vir die interne partyveldtog aangewend is, word tans deur die betrokke ANC-hooggeplaastes ontken.

Hardus Viviers, die DA se leier in die Mangaung-metroraad in Bloemfontein, maak werk van die gedetailleerde bewerings wat op sosiale media die ronde doen dat ’n vergadering onder meer in die Bram Fischer-gebou in die Bloemfonteinse middestad gehou is om planne te beraam en geld in te samel vir Dlamini-Zuma se mislukte veldtog teen pres. Cyril Ramaphosa.

Ramaphosa se eie veldtog het tot ’n verdoemende verslag deur die Openbare Beskermer, adv. Busisiwe Mkhwebane, gelei wat bevind het korrupsie het plaasgevind en geldwassery kan nie uitgesluit word nie.

Die verslag is tans op hersiening voor die hooggeregshof, met Ramaphosa wat aanspreeklikheid vir alle moontlike ongerymdhede ontken.

In politieke kringe word die wenkbroue gelig dat Mkhwebane, wie se mandaat oor die ondersoek van misbruik van belastingbetalersgeld gaan, so vinnig was om bewerings van private donasies aan Ramaphosa te ondersoek en te publiseer, maar so traag is om bewerings van belastingbetalersgeld se kennelik onwettige wanaanwending ten gunste van die Zuma-kamp met dieselfde haas en erns onder die loep te neem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
wurms

Die wurms peul nou orals uit.

James

Hierdie foto is een te veel vir my.
Dit lyk soos ‘n feetjie gone terribly wrong.

Sarel

Julle dkop teen die prikkels,dasr gaan niks van kom nie. Al hierdie kamtige ondersoeke moes jare terug gedoen gewees het. Hoekom nou, soos gewoonlik skrik almal wakker voor verkiesing. Politieke foeffies

Liendempers

Intussen lyk Bloemfontein soos n omgekeerde asblik! Die bosse groei skouerhoogte op die sypaadjies, die grond en stof wat in die paaie ophoop word soos n motorfiets ge-“ramp” as jy bo-oor dit ry per ongeluk. Die papiersakke pryk soos die nasionale blom teen draadheinings soos jy die stad binnery. Sies man! Dis n skande! En intussen eet die dikkes in die munisipaliteit hulle net nog dikker aan R800 per kop se ontbytte! Wat de hel eet mens vir R800 op n ontbyt in Bloem?? Die besighede maak toe omdat die munispaliteit nie hulle rekenings vir dienste gelewer betaal nie, die… Lees meer »

Magda

Sy is n Zuma en OBis sekerlik ind ei zuma kamp – dit se alles – nog altyd gewonder oor haar betrokkenheid en vinnige oordeel oor almal behalwe enige een wat betrokke is of was by die zuma regie. Sy moet WAAI en vinnig ook – DA ek hoop julle kry daai R55miljoen terug en gooi die zuma ding ook in die tronk of stop haar in haar vrot voetsole bitter vinnig.