DA: ‘Ons sal nie toelaat dat ANC R4 miljard spandeer op straler vir Zuma’

Mmusi Maimane by die bekendstelling van die DA se verkiesingsmanifes in Johannesburg. Foto: ANA

Mmusi Maimane by die bekendstelling van die DA se verkiesingsmanifes in Johannesburg. Foto: ANA

Mmusi Maimane, leier van die DA, het Woensdag tydens ʼn Vryheidsdagviering op Zandspruit, noordwes van Johannesburg, gesê die straler ter waarde van R4 miljard wat pres. Jacob Zuma glo wil aankoop is gelykstaande aan 16 Nkandla’s.

Maimane het gesê Armscor het Vrydag die tender vir die verhuring van ‘n nuwe luukse straler gepubliseer. Hy het gesê hoewel die inligting rakende die tender nie vir die publiek beskikbaar is nie, dit na raming op R4 miljard sal neerkom. “R4 miljard is gelykstaande aan 16 Nkandla’s! Dit is nie sy geld nie. Dit is openbare geld – dit is jou geld. Ons president kan vir homself ʼn straler van R4 miljard bestel, maar gemeenskappe soos Zandspruit het nie eers betroubare toegang tot elektrisiteit nie. Dit is hoe korrupsie ons van vryheid en geleenthede beroof.”

Volgens Maimane sal Zuma seker sê hy het nie gevra vir die straler nie. “Hy sal sê hy was nie betrokke in die besluit nie, net soos hy nie by Nkandla betrokke was nie. Dit is nonsens en ons sal dit nooit aanvaar nie. Ons sal nie dat die ANC R4 miljard spandeer op ʼn private straler vir die president terwyl gemeenskappe nie elektrisiteit het nie.”

Maimane het gesê Vryheidsdag word só genoem aangesien dit die viering is van die dag wat ons “ons politieke vryheid” besorg het. “Die dag waarop miljoene Suid-Afrikaners vir die eerste keer deel gekry het in die stuur van die land op ʼn nuwe pad na vrede en voorspoed vir almal. Ongelukkig het die vryheidsbeweging wat die regerende party geword het sy voet van die versneller afgehaal toe politieke vryheid behaal is en seil ons sedertdien bloot rustig voort. Nou, in 2016, het ons heeltemal tot ʼn stilstand gekom.”

Volgens Maimane is daar politieke vryheid in 1994 bekom, maar is dit harde werk om die politieke vryheid in ekonomiese geleenthede vir almal te verander. “En as ek vandag so om my rondkyk kan ek sê die werk is nog nie gedoen nie. Die mense van Zandspruit, soos vele ander vergete gemeenskappe in Suid-Afrika, is nog vry nie.”

Maimane het gesê mense word van hul vryheid beroof deur korrupsie. “Korrupsie vat geld wat op geleenthede vir die armes bestee kon word en stuur dit na die sakke van die magtiges en dié wat die regte bande het. Korrupsie is die grootste euwel van ons demokrasie en dit ondermyn ons vryheid.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Tiger

Hy vergeet die hoof bestandeel vir “vryheid” en dis om te WERK vir dit wat jy wil koop en he.Blankes het hard gewerk om te kon doen en koop wat hulle het.Niks is op ‘n skinkbord aangedra en uitgedeel nie!En dan is daar elke maand belasting ook nog verhaal van hul verdienste.Hoeveel van die mense wat hy toegespreek het betaal belasting??

m

Julle en watter army gaan hom stop. Hierdie ANC doen net wat hulle wil.

Herman

Zuma het GEEN idee waar geld vandaan kom nie…die wittes en sommige ander betaal en betaal en betaal…en aanvaar dit maar net om dat elkeen van ons dink ons enkele stemmetjie gaan geen verskil maak nie.. Mnr Maimane, roer vir Zuma…jy is op di regte pad!

johann cb

Presies hóé beplan die DA om die ANC te stop? Baie van ons sal graag deel van die aksieplan wil wees.

Oom Kalahari

@Cherokee, skerp van jou en pragtig gestel. Ek voel ook soos jy.