DA se nasionale woordvoerder bedank onverwags

Phumzile van Damme (Foto: Twitter)

Phumzile van Damme, nasionale woordvoerder van die Demokratiese Alliansie, het Woensdag onverwags haar bedanking aangekondig.

Die uitgesproke Van Damme het in ʼn reeks plasings op haar amptelike Twitter-rekening bewerings, dat sy bedank as gevolg van ʼn verdeling in die DA, verwerp. Sy is pasgetroud en het gesê sy wil op haar gesin fokus en verder studeer.

“Dis waar, ek het as die DA se nasionale woordvoerder bedank. Ek bly ʼn lid van die party, ʼn LP en die skaduminister van kommunikasie. Ek is lief vir die DA en is toegewyd om ʼn beter toekoms vir Suid-Afrika te bou saam met die party vir wie ek lief is,” het Van Damme geskryf.

“Daar sal ongetwyfeld baie spekulasie wees. Ek wil baie graag uitgesluit word van enige gerugte wat my as ʼn arme vrou uitbeeld wat deur mans geboelie is, soos wat gereeld gebeur met vroue in die DA. Dis nie wie ek is nie, en dis nie wat gebeur het nie.

“Ek wil op ander dinge fokus. Ek is pasgetroud en wil met ʼn gesin begin (nee, ek is nie swanger nie). Ek het ingeskryf vir ʼn deeltydse afstandonderrig meesters[graad]. Ek wil meer balans in my lewe hê, en op myself en om die land te herstel, fokus.”

Die DA het nog nie kommentaar gelewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Daan

Gelukkig stem ek VF+ geen verdeeldheid of besluitloosheid daar nie.

Vonnie Cronje

I wish you well…….thank you for your valuable contributions and hope to see you back in the the future.

CHRISTA

Sterkte en alle sukses vir jou!!

snoefie

good riddance.

Alida

Sy het duidelik gesê sy wil meer tyd met haar gesin deurbring. Gun haar dit asb.