DA: ‘Staatskaping die rede vir beurtkrag’

Argieffoto: GCIS

Die DA het Sondag gesê mediaberigte wat dié naweek verskyn het, “bewys net weereens hoe tender-onreëlmatighede en staatskaping” bygedra het tot die onlangse intensiewe toepassing van beurtkrag.

Natasha Mazzone, die DA se woordvoerder, sê in ʼn verklaring die mediaberigte toon duidelik waar Eskom se kragkrisis vandaan kom. “Berigte beweer fondse wat bedoel was vir noodsaaklike instandhouding van kragstasies is herlei na die Kusile-kragstasie en ander kapitaalbestedingsprogramme waar plundering deur middel van twyfelagtige tenders plaasgevind het,” sê sy.

Die vorige ketelinstandhoudingskontrak is volgens berigte ook nie deur die nasionale tesourie hernu nie, omdat dit ʼn onwettige tender was. Pravin Gordhan, minister van openbare ondernemings, het glo gesê die geld vir instandhouding by Eskom het sowat vyf jaar gelede begin verdwyn, sê Mazzone.

Sy meen dié bewerings wys die vinger reguit na die “mislukte ANC-regering” en is ʼn bewys van hoe korrupsie by Eskom die land in donker gedompel het. “Hierdie berigte het net weereens bewys dat die elektrisiteitskrisis voorkom kon geword het en dat korrupsie, tender-onreëlmatighede en staatskaping ʼn bloeiende uitwerking op die ekonomie gehad en die lewensbestaan van miljoene Suid-Afrikaners geraak het.”

Volgens Mazzone kan daar perspektief gegee word deur te sê vir elke fase 4-beurtkrag is daar 14,8% van die bevolking (sowat 8,5 miljoene mense) wat sonder elektrisiteit sit. Sy meen dit is daarom ooglopend duidelik dat Eskom nooit onder die huidige administrasie reggeruk sal word nie.

“As ʼn land wag ons nog steeds met opgehoue asems dat die wat betrokke was by korrupsie, plundering by Eskom en ander staatsinstansies in hegtenis geneem word. Pres. Cyril Ramaphosa het onlangs gesê bewerings van sabotasie by Eskom-kragstasies word ondersoek. In teenstelling met die ANC, duld die DA geensins enige korrupsie nie en enigiemand wat aan korrupsie skuldig bevind word, sal 15 jaar agter tralies deurbring,” sê Mazzone.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Leon

Regstellende aksie, SEB, onbevoegde werkers en swak politieke leierskap is ook te blameer.

HV

Die hoofargitek(JZ) met sy trawante wat verantwoordelik is vir staatskaping moet vir hoogverraad aangekla word, dit is die ergste misdaat nog teen die mense van SA in ons moderne era.
Die Guptas het hom gesien as iemand wat stupid genoeg is om hulle eie agendas te dryf. Hy kon dit nie raaksien nie omdat die geelwortel vir hom en sy familie voorgehou is te aantreklik is. Die Watsons het presies dieselfde gedoen, trouens hierdie is die tema van Afrika.

Pinnochio

Niks sal gebeur nie, die armes word armer en die paar bevoorregtes in die regering al ryker! Ons weet natuurlik die wittes gaan weer geblameer word en almal stem maar weer ANC.

Willehond

Blah blah blah. Niks gaan verander nie. Dit kan nie meer nie, dit is lankal al te laat.

Gert van Wierdapark

Dis skynbaar reeds bykans n kwarteeu aan die gang!” Say no More”