DA verwag taaiste begroting sedert 1994

Minister Tito Mboweni. Foto: Parlement

Die land se grootste opposisieparty meen vanjaar se begroting, wat Woensdagmiddag deur die minister van finansies, Tito Mboweni, gelewer sal word, gaan die taaiste een sedert 1994 wees.

Die DA-LP’s Alf Lees en Gwen Ngwenya het die parlementêre mediakorps Dinsdag oor die kwessie toegespreek. Hulle lys die grootste uitdagings vir Mboweni onder meer as swak ekonomiese groei, ʼn tekort aan belastinginkomste, noodsaaklikheid om uitgawes te beperk en toenemende nasionale skuld. Die ander groot kopsere sluit in swak bestuurde staatsbeheerde maatskappye en groot finansiële risiko’s in beleid, waaronder die toestand van die Padongelukkefonds, die voorgestelde nasionale gesondheidsversekering en gratis tersiêre onderwys.

Volgens die DA is daar politieke besluite wat ekonomiese groei onmiddellik kan laat verbeter, soos privatisering, ʼn nuwe visumstelsel, die uitsluit van klein ondernemings van gesamentlike loonooreenkomste en regsvereistes in die arbeidsmark, die afskaf van die mynboumanifes en die uitskakeling van rompslomp.

Die DA se verwagting is dat die tekort op belastinginkomste vanjaar meer as R35 miljard sal bedra, en dit neem nie die afname in BTW weens minder Kersinkopies in ag nie. Hul verwagting is dat Mboweni onder druk sal wees om nie in ʼn verkiesingsjaar belasting te verhoog nie, buiten die petrolheffing.

Die amptelike opposisie verwag wel dat die naam van die nuwe kommissaris van die inkomstediens tydens die toespraak aangekondig sal word.

Die DA het gewaarsku dat die terugbetaling van buitelandse skuld nou dringend moet begin, en nie verder uitgestel kan word sonder om die ekonomie ernstig te laat wankel nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Ella

wel, wat verwag hulle. alles is al onderdeur en bankrot..en vat nog steeds. ga n haas uit die hoed moet trek. begroting!!!???

Johanna Botha

Die anc het ons in die gemors niemand anders nie

TB

Die land wankel klaar.

shark

ek wonder maar net wat die meeste LPs in die perlament doen wat waarde is vir hierdie bankrot land.

Boet

Ja die handjievol belastingbetalers sal weer moet opdok.