DA wag angstig vir Metrorail-verslag

Metrorail (Foto: ANA)

Die Demokratiese Alliansie in die Wes-Kaap het gesê hy sal dringend by die openbare beskermer navraag doen oor die status van die ondersoek na Metrorail se versuim om ʼn veilige, betroubare en doeltreffende spoordiens aan inwoners van die Wes-Kaap te verskaf.

Daylin Mitchell, voorsitter van die staande komitee oor vervoer en openbare werke, het gesê hy sal die Wes-Kaapse minister van vervoer, Bonginkosi Madikizela, ook versoek dat hy die staande komitee sal toespreek oor die provinsiale regering se plan om Metrorail aanspreeklik te hou en die passasierspoordiens aan die gang te kry.

“Die DA in die Wes-Kaap het as deel van sy verkiesingsmanifes ʼn belofte gemaak om die talle probleme in die provinsie se passasierspoordiens, onder beheer van Metrorail en die nasionale regering, te takel. Dié proses begin nou,” het Mitchell gesê.

Volgens hom sal die sentrale fokus van sy voorsitterskap wees om seker te maak dat die passasierspoordiens beduidend verbeter en ten volle herstel word. “Ons is dit verskuldig aan die inwoners van die Wes-Kaap om die beste dienslewering onder die DA se mandaat te bied.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Gert van Wierdapark

O Wee, wat se hulp soek hul by die OB? Die DA moet maar Vrede maak daarmee dat die OB enige ou koeie uit die sloot sal grawe! Haar doelwit blyk om voort te rol op n pad van nutttelose papiermors aksies in die naam van reg en geregtigheid?

Ep

Agggg vader hier gaan die da weer met hul hofsake

piet piet

Gee net kans mev de lill se party gaan hulle nog uit stof in die wes kaap die anc lite moet die regte ding doen of aansluit by die anc maar altwee kan hulle nie doen nie.

SjN

Hul gaan lank wag vir die bekwame o b.

Penellope Jones

Sal seker nie gou gebeur nie – een of ander verskoning sal dalk aangebied word. . . . .