DA wil BLF se deelname aan verkiesing stuit

Andile Mngxitama (Foto: Facebook)

Die Demokratiese Alliansie het Sondag met ʼn petisie begin om Andile Mngxitama se Black First Land First (BLF) te verhoed om, weens rassistiese kommentaar, aan vanjaar se algemene verkiesing deel te neem.

“Die BLF het bewys dat hy ʼn groep onbekeerlike rassiste is wie se missie dit is om Suid-Afrikaners oor rassegrense heen te verdeel en die grondwetlike waardes wil ondermyn dat ‘Suid-Afrika aan almal behoort wat in die land woon’,” het Luyolo Mphithi, leier van die DA-jeug, gesê.

“Ons doen ʼn beroep op die mense van Suid-Afrika om dié petisie te ondersteun ter wille van ‘Een Suid-Afrika vir Almal’,” het hy bygevoeg.

Die Onafhanklike Verkiesingskommissie (OVK) het ook ʼn belangrike rol om te speel in dié verband, het Mphithi bygevoeg. “Die OVK kan nie met ʼn goeie gewete aanvaar dat ʼn party, wat homself verlustig in die afsterwe van leerders by Hoërskool Driehoek, op die stembrief geplaas en die geleentheid gebied word om aan die land se verkiesing deel te neem nie.”

Die DA het die BLF ook by die Menseregtekommissie verkla en versoek dat die saak bespoedig sal word, sodat die DA ook dié verslag as basis kan gebruik vir sy saak by die OVK sodat die BLF verhoed kan word om aan die verkiesing deel te neem.

“Dis belangrik dat alle Suid-Afrikaners teen politieke verdeling moet opstaan. Die DA sal nooit die projek van versoening laat vaar nie. ‘Eenheid in diversiteit’ moet nie net woorde wees nie, dit is ʼn oproep tot aksie en ons almal moet daaraan deelneem,” het Mphithi gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Anoniem

Laat regverdigheid geskied en wat bevorderlik is vir nasiebou ! ?????

Anoniem

Uitdagende arrogansie is teenstrydig met die skep van verhoudings ! ?

Sarel

Ek verstaan hoekom die DA moet optree. Maar ek glo die stembus moet eerder die bepalende faktor wees.

Avra

Dis nie net die DA nie. Heelwat klein partye stap ook daardie pad om hierdie arrogantheid hok te slaan.

Eddy

BLF maak dié rassistiese uitlatings want hulle word nie aangekla en gestraf daaroor nie.As hulle gestraf word soos bv.om gemeenskapdiens te doen bv.by n wit plakkerskamp,soos onlangs deur n EFF lid,dan sal hulle twee keer dink voor hulle sulke rassistiese uitlatings maak.