DA wil Pta by ANC vat, stel kandidate bekend

Van links Solly Msimanga, Bronwyn Engelbrecht en Brandon Topham. Foto: ANA

Van links Solly Msimanga, Bronwyn Engelbrecht en Brandon Topham. Foto: ANA

Die DA meen sy ondersteuningsbasis in Pretoria het sterk gegroei en dat hy moontlik ná volgende jaar se plaaslike verkiesings die stad kan lei.

“Die ANC se ondersteuning in die stad het afgeneem en ons ondersteuning het aansienlik toegeneem oor die laaste twee of drie plaaslike verkiesings. Ons glo daar is ʼn realistiese kans dat ons kan wen en dat ons ʼn stad kan bou wat werk skep. Ons kan die bestuur van die stad omdraai,” het Fred Nel, die DA se voorsitter in Gauteng-Noord, Woensdag tydens ʼn mediakonferensie gesê.

Die DA het Woensdag die kandidate vir die Tshwane-burgemeesterskap bekend gemaak. Die kandidate is raadslid Brandon Topham (44), Solly Msimanga (35) en Bronwyn Engelbrecht (54). Topham, die party se woordvoerder oor munisipale rekeninge, was ook in 2011 se plaaslike verkiesings die DA se burgemeesterskandidaat. Msimanga is voorsitter van die DA in Gauteng terwyl Engelbrecht ’n apteker en lid van die komitee oor munisipale rekeninge is.

Die DA het in die plaaslike verkiesings in 2011 met 39% van die steun in Tshwane weggestap terwyl die ANC 56% van die stemme op hom gevestig het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
edwin boegman

baie mooi, ons stem vir julle

Marie

Singing hi hi hi hipiee haai! Singing hi hi hiepie haai! Go DA! Godspeed!

Frik Lotz

Geen party kan op sy eie die ANC klop nie, maar slegs n koalisie van opposisiepartye kan regeer waar ANC minder as 50% steun kry. Die DA leef in n droomwereld en begin al hoe meer soos ANC raak. n Wyksraadslid van die DA in Potgietersrus het juis uit die DA bedank en by VF Plus aangesluit omdat DA nie meer belangstel om te kyk na die belange van minderheidsgroepe nie. Kiesers moet hul oë begin oopmaak.

Manie

Wit kiesers moet nie vir n oomblik dink dat die liberale DA na hulle gaan omsien. Kyk maar na hulle beleid. Dit is n linkse beleid baie naby aan die ANC. Stem liewer VF+sodat DA n koalisie met hulle moet sluit en hulle sal tenminste na wit minderheids belang kyk. Moet nie dat DA jou stem misbruik

Johann Marx

En almal is van mening dat die ANC sommer net so gaan opstaan en loop? Soos die Ingelse sê” “You’ve got another thing coming!!”