Dáárom moet voedselverspreiding gekoördineer word – minister

Die minister van maatskaplike ontwikkeling, Lindiwe Zulu (4 Maart 2020) (Foto: Armand Hough/African News Agency/ANA)

Die departement van maatskaplike ontwikkeling het Vrydag ontken dat hulle probeer verhoed dat kospakkies en gekookte kos na verarmde huishoudings en gemeenskappe versprei word.

Dít volg nadat verskeie niewinsgewende organisasies die afgelope week gekla het dat hulle verhoed word om kos te versprei of dat wetstoepassers dit in sekere gevalle by hulle afvat voordat hulle dit kan versprei. Die DA het ook dié week konsepregulasies laat uitlek waarin bepaal word dat nieregeringsorganisasies wat voedselverligting aan behoeftiges bied slegs kospakkies mag versprei – geen gaargemaakte maaltye word toegelaat nie.

Die konsepregulasies bepaal ook dat skenkers ʼn verspreidingsplan aan die polisie moet voorlê. Hulle moet van deur tot deur gaan om die kospakkies af te lewer in plaas daarvan dat arm gemeenskappe kos by ʼn betrokke punt gaan afhaal.

Volgens dié regulasies moet die persoonlike besonderhede van diegene wat kospakkies ontvang ook deur die skenkers ingewin word en aan die departement van maatskaplike ontwikkeling deurgegee word.

“Die Wet op Niewinsgewende Organisasies bepaal dat ons aan die armes toegang tot kos verseker, veral tydens hierdie kritieke tyd. Ons is dankbaar teenoor die private sektor en burgerlike organisasies vir hul ruim kosskenkings aan dié wat dit die nodigste het,” het Lindiwe Zulu, minister van maatskaplike werk, Vrydag in ʼn verklaring gesê.

Helpende Hand se Hannes Noëth het die afgelope week help kos uitdeel aan behoeftiges. (Foto: Verskaf deur Helpende Hand.)

Die minister sê egter haar departement het die afgelope tyd opgemerk dat daar lang rye vorm op plekke waar kos uitgedeel word en dat die nodige afstand nie gehandhaaf word nie. “Die ongekoördineerde manier waarop kos tans versprei word, skep ʼn omgewing vir die verspreiding van die dodelike virus onder dié wat die meeste kwesbaar is,” sê sy. “Dit is net so belangrik om ons mense teen die verspreiding van die koronavirus te beskerm, as wat dit is om kos te versprei. As organisasies nie saamwerk nie, loop ons ook die risiko dat sommige gemeenskappe nie gehelp word nie of ander twee keer skenkings ontvang.”

Daarom, sê Zulu, het haar departement konsepregulasies opgestel om die skenkings van kos en ander goedere beter te koördineer. “Daarom vra ons organisasies wat humanitêre verligting bring om nou met die regering saam te werk, sodat hierdie aksies behoorlik gekoördineer kan word en ons die geleenthede vir korrupsie kan beperk.”

Hannes Noëth, uitvoerende hoof van Helpende Hand, sê hulle neem kennis van die minister se verklaring, maar hulle kan nie toelaat dat die verspreiding van voedselskenkings gereguleer en gesentraliseer word nie. “Ons is ook glad nie gemaklik daarmee dat organisasies verspreidingsplanne by die regering moet indien nie, want dan sê die staat vir organisasies waar hulle voorraad moet versprei.”

Met betrekking tot die punt wat die minister maak oor die gesondheidsrisiko wat verspreidingspunte inhou, sê Noëth nieregeringsorganisasies is uiters bewus van maatreëls om die verspreiding van Covid-19 te verhoed en volg dit slaafs na. “Ek het dit nog nie by verspreidingspunte van nieregeringsorganisasies beleef dat mense te na aan mekaar staan en dit dus ʼn gesondheidsrisiko inhou nie,” sê Noëth.

Hy sê Helpende Hand is bereid om te luister na die regering, maar is nie bereid om voedselverspreiding aan die regering te oorhandig nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Nie Verbaas

Nee wat minister, kospakkies sal gladnie by wittes uitkom nie. Ten minste weet ons dat dit op die oomblik by behoeftiges uitkom en nie in spaza shops beland nie.

Jack

Groot asseblief, Hou die verspreiding van voedsel deur privaatskenkings aan liefdadigheids organisasies uit die hande van die regering. Meeste skenkings word nie blindelings gedoen nie maar vir spesifieke teiken groepe. Ek wil graag weet vir my my swaarverdiende skenking gegee word, dis vir my eie mense bedoel.

Barbara

Duidelik weet sy nie wat aangaan. Dit word net verhoed by die wittes. Dis hoekom daar ander planne gemaak is om kos en kospakkies uit gegee te word.

'n Simpelman

Gaan ‘n donker dag wees as dit gebeur.
Die regering wil die land al meer kommunisties maak.

Hulle wil die ministers eers voer, en dan al die ryk comrades, sodat hulle nie geld op kos moet mors.

Dit wat oorbly sal na behoeftiges gaan.
Kyk na 25 jaar se rekord van selfverryking.

marius

Tsek !