Dagga-laboratorium in Gauteng-meenthuis gekry

Foto: Verskaf.

ʼn 32-jarige man is Dinsdag in sy meenthuis in Boksburg in hegtenis geneem nadat daar op ʼn dagga-laboratorium afgekom is.

Hoofsupt. Wilfred Kgasago, woordvoerder van die Ekurhuleni-metropolisie (EMPD), het gesê die meenthuis is in Beitweg geleë.

Kgasago het gesê lede van die EMPD se honde- en ingrypingseenheid het ʼn klopjag op die huis uitgevoer ná ʼn wenk van bekommerde lede van die gemeenskap.

“Die verdagte is omstreeks 17:30 op heter daad betrap toe hy daggapotplante natgelei en gesnoei het,” het Kgasago gesê.

Daar is ook beslag gelê op sewe bokse met gloeilampe wat gebruik word om dagga te kweek asook 100 Ziplock-plastieksakkies vol dagga.

Die man sal Woensdag in die Boksburg-landdroshof verskyn op aanklag van die kweek van dagga.

Foto: Verskaf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Antoinette

Ag asb die drama oor 4 potplante! Regtig!!

Shaun

Mors van tyd en belastingbetalers se geld . Die persoon gaan vrygelaat moet word , en alle klagtes teruggetrek word. Die kweek van dagga is wettig , indien dit vir persoonlike gebruik is . Totdat die staat se appél teen die hofuitspraak slaag wat dit wettig .

CAROL

Stem!!! Nou wanneer gaan dit wettig word???

CAROL

Seker die bure wat sy gaai toe gesteek het!! Nou wanneer word dit wettig??

Marí

Wat sou julle nou onder “dagga laboratorium” verstaan? Ek sou nog dink terarium aangesien dit plante is! Of word die goed op een of ander manier deur ñ chemiese proses behandel?