Damvlakke daal al verbruik Kapenaars minder

Theewaterskloofdam. Argieffoto

Die Stad Kaapstad sê die vlakke van die damme wat water aan die Moederstad voorsien, het in die afgelope week met 1,4 persentasiepunte tot 60,5% gedaal.

In die ooreenstemmende tydperk verlede jaar het die Kaap se damvlakke op 26,4% gestaan. Wat die hele Wes-Kaap betref, staan die damvlakke nou op net oor die 47%.

Kapenaars se waterverbruik het die afgelope week met 2 miljoen liter per dag tot 602 miljoen liter per dag afgeneem.

Die weerdiens voorspel intussen koeler weer vir vandeesweek oor die Suidwes-Kaap, wat goeie nuus is vir die damvlakke ná die afgelope week se hitte.

Ingevolge vlak 3-waterbeperkings mag inwoners van die Moederstad hul tuin op Dinsdae, Donderdae en Saterdae voor 09:00 en ná 18:00 hoogstens ʼn uur lank met ʼn emmer of gieter natlei. Die gebruik van tuinslange is steeds verbode.

Swembaddens mag net met munisipale water opgevul word as die swembad met ʼn ondeurdringbare seil bedek word wanneer dit nie in gebruik is nie en reënwater gebruik word om die swembad vol te maak waar moontlik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Jacques Coetzee

Ek het laasjaar toe die DA gretig was om waterbeperkings te verminder gewaarsku dat dit ‘n slegte idee was.Hier is reeds te veel mense in die wes kaap en in ‘n droe provinsie moet waterbeperkings streng in plek bly al is daar water in die damme.Anders gaan almal maak soos hulle wil met water.Blameer DA weerens vir swak bestuur.

RHG

Ek is dalk onkundig, maar kon die leë dam tydens die droogte nie dieper geskraap word nie? Dis maar wyd en vlak. Die mense gaan ook nie minder word nie.

willem Botha

Dit nou vir n provinsie wat by die see geleë is maar die leier van die DA se volle aandag is by Zimbabwe en sy mense .Ons moet VF+ stem sodat hulle n referendum kan hou en wegbreek van die korrupte SA.

Johnnie

Wat my hart so seer maak is op plekke is daar nie eers behoorlike water vir mens en dier nie en op ander plekke word derduisende liters drinkbare water in die riviere ingepomp net omdat daar politiek by betrokke is en net om dit nie vir die mense te gee nie.

ZENO

Muisipaliteite sit en slaap alweer. Stem V+