‘Dank minister se rassistiese woordvoerder af’

Esethu Hasane. Foto: Via Facebook.

Esethu Hasane. Foto: Via Facebook.

Die burgerregte-organisasie AfriForum het Dinsdag ’n brief gerig aan Fikile Mbalula, minister van sport en ontspanning, waarin die onmiddellike ontslag van Esethu Hasane, media-en-kommunikasiebestuurder by die departement van sport en ontspanning, geëis word.

Dit volg ná ’n opmerking wat Hasane Sondag en Maandag onderskeidelik op sy Twitter- en Facebook-rekening geplaas het waarin hy sê: “Only Western Cape still has dry dams. Please God, we have black people there, choose another way of punishing white people.” [Dit is slegs die Wes-Kaap wat nog droë damme het. Asseblief, Here, ons het swart mense daar, kies ’n ander wyse om wit mense te straf.]

Hasane het nagenoeg 18 000 volgelinge op Twitter. Die uitsprake was teen Dinsdag nog op albei sy rekeninge.

Op Facebook het van sy volgelinge teenoor hom uitgevaar en hy het later op Twitter reageer dat die uitlatings slegs ʼn “grappie” was.

Kallie Kriel, uitvoerende hoof van AfriForum, het in ʼn verklaring gesê dat Hasane se opmerking weer eens bevestig dat anti-wit-rassisme by die departement van sport en ontspanning aan die orde van die dag is.

“Hasane se opmerking kom nie juis as ’n verrassing nie, want dit is reeds duidelik dat Mbalula se druk op sportliggame om streng kwotas in te stel nie ’n opregte poging is om atlete uit elke gemeenskap te ontwikkel nie, maar om die aantal wit sportmanne en -vroue in spanne te verminder. Mbalula poog om sy departement en die regering se mislukking om sport in townships en landelike skole te ontwikkel, weg te steek deur wit mense te teiken,” het Kriel gesê.

Volgens Kriel eis AfriForum voorts dat Mbalula en sy departement Hasane se opmerking in die openbaar moet veroordeel en hulself sonder verwyl van hom distansieer.

“Net gister [Maandag] het Mbalula, met reg, sy afkeur op sy Twitter-rekening uitgespreek – met skermgrepe – teen ’n eiendomsagent wat ’n meenthuis as ‘SLEGS wit mense, asseblief’ adverteer. Ons kan nie wag om te sien of Hasane se opmerking ook sy onmiddellike aandag sal geniet nie,” het Kriel bygevoeg.

Maroela Media het Hasane om kommentaar genader maar hy kon nie onmiddellik telefonies bereik word nie. ʼn E-pos is ook aan hom gerig en Maroela Media wag vir terugvoer.

AfriForum het ’n webwerf geskep waar lede van die publiek Hasane se afdanking kan eis deur hul name tot ’n brief te voeg wat outomaties na Mbalula se kantoor gestuur word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
w

Hy sal ni afgedank word nie. Hy eerder n hero nou. Wat hy nie weet nie God laat nie tu dat die spot met hom gedryf word nie. Wys net hy min weet die arme sot van die verskilkende reenvalstreke. Pleks hy sy skoolgeld trugvra en ma weer in gr een begin. Sal hy dit die keer maak tot n ordentlike matriek

Johann

Wag maar die blinde sambok wag vir die sulkes wie nie respek toon teenoor die Allerhoogste nie

Kobus

Ek wet julle daar sal niks van dit kom nie…

DJ

Ek sou sê die volgelinge wat sy “posts” verder versprei het moet ook aan gekla word vir rassisme.

Jean

Ons moet aandring dat hy afgedank word. Ons moet ook voor hofgeboue gaan dans en sing en skreeu en plakkate rondswaai. Hierdie rassisme van swartes op blankes neem toe, dit is amper asof hulle die witmense wil uittart, want hulle weet hulle kom niks oor nie, hulle KADERS beskerm hulle. Stuur dit die wereld in, dat die wereld kan sien WIE IS AAN BEWIND!!.